Akar pinang
 Wadai Akar pinang | |
| Nama lain | Kue Akar kelapa, Kue Kaktus, Stik yuyu |
|---|---|
| Jenis | Wadai karing |
| Tempat asal | Indunisia |
| Daerah | Tarkanal di kampung Suku Betawi lawan di Kalimantan Salatan |
| Masakan nasional terkait | Indunisia |
| Dibuat oleh | Suku Betawi |
| Suhu penyajian | Hangat duwa suhu ruang |
| Bahan utama | Galapung lakatan, intalu, santan, gula |
| Bahan yang umum digunakan | Minyak lamak |
Wadai akar pinang adalah wadai karing nang tiba matan bubuhan urang Betawi wan sakitarannya.[1] Wadai ini biasanya disurungi baimbaian rengginang duwa kacang basanga lamun ada aruh ganal, misalnya rahatan Hari raya pitrah atawa basaruanan. Kuta Bekasi marupakan pamasuk pangganalnya wadai akar pinang, tagal kalawasan baganti jaman, wadai ngini kada lagi diulah dalam jumlah ganal.
Ngaran[babak | babak asal-mulanya]
Ngaran "akar pinang" diambil matan bantukannya nang mahirip lawan akar pinang atawa nyiur (kelapa).[2] Rasa nang pina balamak wan manis marupakan nang dicari lawan nang manukari. Lamun di kampung urang Betawi lawan sakitarannya, harus banar manyiadakan wadai ngini rahatan Hari raya pitrah badua wadai kacang basanga.[3]
Tagal, di Kalimantan Selatan, wadai ngini baisi banyak ngaran nangkaya Stik yuyu,[4] duwa Wadai Kaktus.[5]
Bahan[babak | babak asal-mulanya]
Bahan gasan baulah wadai akar pinang yaitu kuning intalu, gula, galapung lakatan, soda kue, panili, mantiga masin, santan, lawan minyak lamak. Santan nang dipakai matan setangah bigi nyiur.[6] Minyak lamak dipakai gasan manyanga, kada gasan adunan.[7]
Cara membuat[babak | babak asal-mulanya]
Pamulaan adalah mangucuk intalu duwa gula,[8] imbahnya takambuh, galapung lakatan diayak duwa soda kue lawan panili. Adunan diharu sampai rata, sasambilan malingir bagimitan mantiga masin duwa santan.[6]
Adunan nang hudah jadi dimasukakan ka dalam citakan wadai. Rahatan minyak lamak di rinjing pina panas sambil adunan ditikin sapanjang 10 cm, imbahnya ditatak. Adunan imbahnya disanga sampai masak wan talihat karing, imbahnya dibangkit wan ditiisakan.[9]
Referensi[babak | babak asal-mulanya]
- ^ "Masakan Khas Betawi Disajikan di Santika TMII". travel.kompas.com. Diakses tanggal 24 Nupimbir 2016.
- ^ "Kriuk.. Kriuk.. Akar Kelapa". detikfood. 24 September 2008. Diakses tanggal 24 Nupimbir 2016.
- ^ "Mencicipi Gurih Manis Kue Akar Kelapa, Camilan Lebaran Khas Warga Betawi yang Unik". merdeka.com (dalam bahasa Inggris). 2021-05-13. Diakses tanggal 2022-05-27.
- ^ Murdijati-Gardjito; Santoso, Umar; Harmayani, Eni (2023). RAGAM KUDAPAN MALUKU, SULAWESI DAN KALIMANTAN. Yogyakarta: Penerbit Andi. hlm. 373. ISBN 9786239908683.
- ^ Murdijati-Gardjito; Santoso, Umar; Harmayani, Eni (2023). RAGAM KUDAPAN MALUKU, SULAWESI DAN KALIMANTAN. Yogyakarta: Penerbit Andi. hlm. 373. ISBN 9786239908683.
- ^ a b Buleng, Apri (2016). 350 Resep Cake, Kue, & Roti. Jakarta Selatan: DeMedia Pustaka. hlm. 13. ISBN 978-979-082-279-5.
- ^ Handayani, S., dan Wibowo, R. A. (2014). Koleksi Resep Kue Kering. Jakarta Selatan: PT Kawan Pustaka. hlm. 161. ISBN 979-757-579-9.
- ^ Bahalwan, F., dan Tim NCC (2017). Resep Klethikan Pilihan NCC. Jakarta: PT Penerbit Gramedia Pustaka Utama. hlm. 6. ISBN 978-602-03-7731-5.
- ^ Maharani, Carla (2012). Aneka Kue Kering Pengisi Toples. Jakarta Selatan: Demedia Pustaka. hlm. 25.