Lompat ke isi

Abdul Qadir Hasan

Tumatan Wikipidia Banjar, kindai pangatahuan
Infobox orangAbdul Qadir Hasan
Riwayat
Kamatian 17 Juni 1978 Edit nilai pada Wikidata (86/87 tahun (id) terjemahkan)
Alkah Kubah Guru Haji Abdul Qadir Hasan Edit nilai pada Wikidata
Agama (id) Terjemahkan Islam Edit nilai pada Wikidata
Gawian
Gawian Ulama (id) Terjemahkan Edit nilai pada Wikidata
Bagawi di Pondok Pesantren Darussalam Martapura (id) Terjemahkan (1940–1959) Edit nilai pada Wikidata
Ubah data ini di Wikidata

Tuan Guru Haji Abdul Qadir Hasan adalah saurang ulama matan Kalimantan Selatan. Inya lahir di kampung Tunggul Irang tahun 1891, abahnya adalah Hasan Ahmad. Inya rancak dikiau "Guru Tuha". Inya suah balajar agama di Punduk Tebu Ireng, Jombang, Jawa Timur dipimpin ulih Hadratus Syekh K.H. Hasyim Asy'ari wan Punduk Salafiyah Bangkalan Madura pimpinan Kyai Kholil.[1] Inya jua tamasuk urang nang mandiriakan cabang Nahdlatul Ulama (NU) di Kalimantan Salatan, nang mana cabang ngini adalah nang panambaiannya di luar pulau Jawa.[2]

Inya habis umur pada hari Sabtu tanggal 11 Rajab 1398 Hijriah atawa 17 Juni 1978 Masihi. Janajahnya dipatak di rumahnya saurang di Kampung Pasayangan, Martapura, Kabupatin Banjar, Parupinsi Kalimantan Salatan.[3]

Kuburan Tuan Guru Haji Abdul Qadir Hasan

Inya jua suah balajar di Madrasah Salatiah, Mekkah, Arab Saudi. Di kampungnya, inya balajar lawan Tuan Guru Abdurrahman (Guru Adu) wan Tuan Guru Kasyful Anwar, Pimpina Punduk Darussalam Martapura. Lain pada ngitu, inya jua baisi pangalaman di bagian pandidikan wan pulitik. [1]

Sejarah gawian[babak | babak asal-mulanya]

Inya suah jadi pimpinan Punduk Darussalam Martapura nang ka-4, yakni matan tahun 1940 sampai tahun 1959. Inya dikanal lawan bububuhan sabagai nang panuhanya di pondok ngitu, maraga ngitu jua inya rancak dikiau "Guru Tuha". Inya suah mangganii Tuan Guru Kasyful Anwar waktu maurus Punduk Darussalam Martapura wan manjadi pimpinan punduk menggantiakan Guru Kasyful Anwar matan 1940 sampai 1959. [4]

Karir pulitik[babak | babak asal-mulanya]

Masigit K.H. Abdul Qadir Hasan di Kiram, Karang Intan, Kabupatin Banjar

Di bagian pulitik, inya umpat mendukung bubuhan pajuang Kalimantan pimpinan Hasan Basri. sabagai tatuha ulama di Martapura, inya manggarakakan bubuhan masyarakat Banjar, khususnya buhan santri Darussalam saga umpat bajuang malawani urang kafir (bubuhan Walanda). Waktu tahun 1950-an, inya lawan Tuan Guru Zainal Ilmi umpat waktu pamulihan kaamanan di Kampung Dalam Pagar Martapura. Inya juag suah manjadi angguta DPRD Tingkat I Kalimantan Selatan matan unsur NU (1960-1970). Di NU, inya suah manjadi A'wan Syuriah NU Kalimantan (1952), angguta Syuriah PWNU Kalimantan Selatan waktu zamannya Ridwan Sjahrani manjadi katuanya tahun 1953, wan anggota syuriah Pengurus Besar NU. Inya adalah urang nang partama manyatuakan NU di Kalimantan, yaitu Jam'iyyah Nahdhatul Ulama di Martapura pada tahun 1928.[1]

Referensi[babak | babak asal-mulanya]

  1. ^ a b c "Ulama Banjar (12): KH. Abdul Qadir Hasan". Alif.ID (dalam bahasa Indonesia). 2020-11-25. Diakses tanggal 2023-11-21. 
  2. ^ Barije, Ahmad (2018). Mengenal Ulama dan Tokoh Banjar. Banjarmasin: CV Rahmat Hafiz Al Mubaraq. 
  3. ^ Triaji, Nazulmi (17 Maret 2019). "Tuan Guru H Abdul Qadir Hasan Al Banjari, Jasanya Besar Bagi Warga Banjar". Apahabar Banjarmasin. Diakses tanggal 21 November 2023. 
  4. ^ Datu-Datu Terkenal Kalimantan Selatan. Kandangan: SAHABAT Mitra Pengetahuan. 2013. hlm. 1–5. ISBN 9786021988374.