Yustan Aziddin
Yustan Aziddin (diranakakan di Margasari, 13 Mai 1933 – habis umur di Banjarmasin, 12 Agustus 1995 pas umur 62 tahun) adalah saurang panulis wan budayawan Banjar. Sidin dipinandui sabagai nang manciptaakan tukuh Si Palui nang tarbit di surat kabar Banjarmasin Post.
Riwayat[babak | babak asal-mulanya]
Sidin ngini lulusan Fakultas Kaguruan wan Ilmu Pandidikan Universitas Lambung Mangkurat Banjarmasin tahun 1973. Tumatan tahun 1966 sidin rancang manulis di surat kabar Mercu Suar gasan Kalimantan Selatan wan Mahasiswa. Pada tahun 1971 Yustan Aziddin baimbai lawan Djok Mentaya wan Pangeran Rusdi Effendi mandiriakan surat kabar harian Banjarmasin Post. Di surat kabar banua ini sidin khusus manggaduh rubrik kisah basa Banjar Si Palui wan rubrik budaya. Sidin gin manjadi karyawan Kantur Wilayah Departemen Pandidikan wan Kabudayaan Prupinsi Kalimantan Selatan di Banjarmasin wayah tahun 1973-1993. Tanggal 1 Juni 1993 sidin pansiun.[1]
Karya[babak | babak asal-mulanya]
- Sejarah Kota Banjarmasin
- Sejarah Perlawanan Terhadap Kolonialisme dan Imperialisme di Daerah Kalimantan Selatan
- Obat-Obat Tradisional Daerah Kalimantan Selatan
- Tanah Huma (antologi puisi)
- Tonggak 2 (antologi puisi)
- Anak Si Palui Dipukuli Urang
- Tapalengor (kisah mahalabiu basa Banjar)
Sumbar[babak | babak asal-mulanya]
- ^ "Yustan Aziddin". dongeng.org. Diarsipkan dari versi asli tanggal 27 March 2016. Diakses tanggal 12 September 2016.
