Wikipidia:Mangudak Wadai

Pamaparan

Patakunan

Mangudak Wadai adalah lumba mini fotografi di Wikimedia Commons. Lumba ngini salah satu upaya gasan manambah kontén di Wikimedia Commons, khususnya gasan wadai, gangan, wan hidangan Banjar lainnya.

Tanggal panting 27 Marit – 10 April 2023 (pukul 23.59 WITA) Pandaptaran lumba 27 Marit – 30 April 2023 Waktu lumba 1 – 4 Mai 2023 Masa panilaian 7 Mai 2023 Pamadahan pamanang Pandaptaran bit.ly/daftarmangudakwadai

Katantuan Umum

1. Tantangan ini sipatnya individu atawa saurangan.
2. Pian wajib manaati kabijakan ruang ramah acara Wikimédia Indonésia.
3. Warga Nagara Indonésia (WNI) wan bagana di Indonésia.
4. Baisi ponsél atawa kaméra/kudakan.
5. Baisi akun Wikipidia.
6. Kawa mangudak atawa mamoto wadai/gangan sasuai lawan kritéria panilaian.
7. Kawa maunggah gambar nang sudah dikudak.
8. Gambar nang Pian kudak kadada tanda banyu (watermark) barupa tanggal, mérék HP, atawa tulisan nang lain.
9. Amun Pian ngalih dalam hal téknis atawa kabijakan, Pian kawa mahubungi panitia malalui alamat surél
   banjarwikimedia.or.id.
10. Kabijakan panitia sipatnya final wan kada kawa diganggu gugat.
    

Hadiah

• Talu (3) pasarta nang poinnya tinggi wan sasuai syarat pacangan dapat sovenir istimiwa tumatan Wikimedia Banjar wan Wikimedia Indonesia.

Cara Bapartisipasi

	Ulah akun hanyar atawa babuat log (log in) di Wikimedia Commons.
	Isi formulir pandaptaran malalui picikan pandaptaran di bawah. Pian daptarakan diri sorang sakali haja salawas lumba balangsung.
	Unggah karya/foto Pian di Wikimedia Commons. Pian wajib maunggah malalui picikan unggah pada laman ini, lain picikan unggah di laman muha Wikimedia Commons.

Kritéria panilaian

	Éstétika gambar wadai/gangan/masakan (bantuk, tékstur, tata letak)
	Banyaknya gambar wadai/gangan/masakan nang diunggah (minimal 10 janis/objék wadai/gangan/masakan nang balain)
	Kasasuaian objék gambar nang ditantuakan

Adapun objék gambar wadai/gangan/masakan nang musti dikudak antara lain:

	Wadai/gangan Banjar nang kadada gambarnya di laman ini (60 poin par objék)
	Wadai/gangan Banjar salain nang ditantuakan di atas atawa nang ada di laman ini, tapi ada unsur éstétika/nyaman dijanak (30 poin par objék)
	Kalakasan waktu wan banyaknya poto dalam maunggah (20 poin par objék)
	Misal: Amun Pian maunggah gambar wadai masubah atawa tetal (nang kadada gambarnya di laman ini), maka Pian mahaga 60 poin. Amun Pian maunggah gambar wadai masubah nang banyaknya ampat bigi poto, maka Pian tatap mahaga 60 poin maraga nang dirikin panilaiannya adalah par objék/par janis wadai, lain par poto.

Picik di sini gasan mandaptar Picik di sini gasan unggah poto