Bihara
Vihara atawa wihara adalah sambatan ngaran wadah ibadat umat Buddha. Sabujurnya dalam Bahasa Sansekerta, vihara ngitu artinya biara wadah bikkhu Buddha bagana. Banyak nang kada paham bida vihara lawan tempékong. Musababnya, bahari waktu Orde Lawas wastu ada 5 agama rasmi (Islam, Protéstan, Katolik, Hindu, wan Buddhisme). Jadi wayah ngitu banyak tempékong nang mamakai ngaran "vihara" supaya kawa dapat ijin baibadat. Jadinya sampai wayah ngini banyak urang nang kada tahu bahwa vihara lawan tempékong ngitu lain. Vihara ngitu bangunan nang husus dipakai gasan ibadah umat Buddha, samantara tempékong ngitu rancaknya gasan istilah wadah ibadat umat Konghucu atawa Taoisme nang baisian pungsi selain wadah ibadat. Bangunan tempékong biasanya baarsitéktur Cina, lamunnya bangunan vihara kawa macam-macam gaya arsitékturnya.