Tugu Kijang
Tugu Kijang atawa tugu menjangan marupakan salah sabuting daya tarik ikonik siktor pariwisata Kabupatin Tanah Laut, Pruvinsi Kalimantan Selatan. Disambat ikonik karana tugu ngitu barupa patung Kijang Mas wan kapal layar bahari. Nang mana ngitu melambangkan daerah ini bisi kekayaan laut, ditambah pulang wan ornamen nang bantuknya manyarupai akar, daun wan ornamen lainnya nang malambangkan hasil alam nang malimpah banar.[1]
Tugu nangini andakannya unik wan strategis, kada jauh dari wadah wisata. Pas di bawah batis Gunung Kayangan Desa Panggung Baru nang areanya mangarucut jadi pas banar patung kapal layar di situ.[2]
Tugu ngini nyaman banar dilihat ulih masyarakat nang malangkahkan batis ka Kota Pelaihari. Karana andakannya ada di lajur Banjarmasin-Pelaihari.
Tugu nang salasai dibangun pas akhir 2017 lalu, mahabisakan dana sanilai Rp 1,024 miliar labih. Salain sabagai maskot Tanah Laut, tugu nangini jua jadi tanda batas Kota Pelaihari.
Jujuhutan[babak | babak asal-mulanya]
- ^ "Kalselpedia - Tugu Kijang Mas di Batas Kota Pelaihari". Banjarmasinpost.co.id (dalam bahasa Indonesia). Diakses tanggal 2024-06-09.
- ^ "Wisata Kalsel - Tugu Kijang Mas Berdiri Megah di Ujung Kaki Gunung Kayangan Tanahlaut". Banjarmasinpost.co.id (dalam bahasa Indonesia). Diakses tanggal 2024-06-09.