The Raft of the Medusa
The Raft of the Medusa (Le Radeau de la Méduse) adalah karya lukisan cat minyak nang diulah ulih pelukis wan panulis litografi matan Parancis nang bangaran Jean-Louis André Théodore Géricault.[1] Lukisan nang ulah pas abad ke-19 ngini dianggap sabagai ikon romantisisme nang manggambarakan aspek kamanusiaan wan pulitik.[2][3]
Lukisan kuntrupirsial nang diulah ulih Jean-Louis André Théodore Géricault ngitu manggambarakan kisah nang saram kisah bangkai kapal perang Parancis Méduse[4] Pas tanggal 5 Juli tahun 1816, kada sadikit ada 147 urang nang baandak di atas lanting nang sudah diulah haratan bagasakan lawan mamakai kayu matan bangkai kapal Meduse . Sapalihan ganal matan buhannya maninggal, wan 15 ikung wara nang kawa salamat dalam 13 hari sabalum buhannya pahabisannya disalamatakan. Kisah ngini manggambarakan paristiwan nang saram dimana urang-urang ngitu marasaakankalaparan, dahidrasi, sampai manggawi kanibalisme.[2][5][6]
Ukuran dan bentuk[babak | babak asal-mulanya]
Lukisan The Raft of the Medusa baisi tinggi 491 cm wan panjang 716 cm nang dilukis lawan media manggunaakan cat minyak wan kanvas. Lukisan mang maangkat unsur romantisisme ngini dilukis ulih palukis matan Parancis nang bangaran Jean-Louis André Théodore Géricault.[1] Sabalum malukis, inya mangumpulakan bamacam data wan inpurmasi, lawan manggawi panalitian wan studi parsiapan manganai kisah ngini, lawan bamaksud supaya hasil lukisannya maksimal. Lukisan The Raft of the Medusa nang manjadi kuntrupirsial ngitu wayah ini dipajang di Museum Louvre (Musée du Louvre).[7]
Referensi[babak | babak asal-mulanya]
- ^ a b "Theodore Gericault | Biography, Paintings, & Facts". Encyclopedia Britannica (dalam bahasa Inggris). Diakses tanggal 2020-03-21.
- ^ a b Anthony Peregrine, Destination expert. "Raft of the Medusa: a grisly tale of incompetence and cannibalism". The Telegraph (dalam bahasa Inggris). Diakses tanggal 2020-03-21.
- ^ The Raft of the Medusa, Salon de 1819, diakses tanggal 2020-03-21
- ^ "Why The Raft of the Medusa is One of the Most Inspirational Works of Art". Widewalls. Diakses tanggal 2020-03-21.
- ^ kiamaartgallery (2015-04-16). "Romanticism – Géricault, Raft of the Medusa, 1818-19". Kiama Art Gallery (dalam bahasa Inggris). Diakses tanggal 2020-03-21.
- ^ "theory of hope the painting contains elements that express pain and tragedy 3 | Course Hero". www.coursehero.com (dalam bahasa Inggris). Diakses tanggal 2020-03-21.
- ^ "The Raft of the Medusa". Artble (dalam bahasa Inggris). Diakses tanggal 2020-03-21.