Tabelak

Tumatan Wikipidia Banjar, kindai pangatahuan

Tabelak ngini marupakan buah asli Kalimantan yang tadapat di padalaman hutan. Inya tamasuk sajanis kaluarga ganal tanaman durian yang tumbuh liar. bantuk batangnya mirip lawan batang durian tingginya bisa mancapai 25-30 meter. Kalainan tanaman ngini talatak pada warna kulit buahnya. Warnanya bamacam-macam ada nang hijau, kuning, cokelat, atawa habang. Daging buahnya tabal lawan bawarna habang, tekstur daging buahnya halus, manis, lawan karing. Buahnya kada babau banar pin sudah di kuyak lawan di parak akan ka hidung. Uleh nang kaya itu, panduduk di padalaman kalimantan mangaraninya tabelak. Lamun dalam ilmu pangatahuan, tabelak takanal lawan ngaran Durio Graveolens Becc.

Di pasaran buah ngini ngalih dicari. uleh sabab itu, bagi nang handak mancari, tapaksa harus mailangi pasar nang ada di padalaman. hal ini disababkan uleh sadikitnya panduduk yang hadak mangambangiak akan tanaman ngini sahingga dari waktu ka waktu mangalami panurunan.[1]

Rujukan[babak | babak asal-mulanya]

  1. ^ Rohliansyah, Pahmi (2007). Mengenal Buah-Buahan Kalimantan. Yogyakarta: ADICITA KARYA NUSA.