Susurungan
Susurungan atawa sasarungan marupakan salah sabuting tradisi lisan nang ada di masarakat Banjar Hulu. Susurungan baasal matan kata surungan nang maalami paulangan kata. Susurungan diartiakan sawagai teka-teki (batatangguhan).[1]
Fungsi susurungan
[babak | babak asal-mulanya]Ada babarapa fungsi susurungan antara lain sawagai barikut;
Mauji ilmu
[babak | babak asal-mulanya]Susurungan rancak dijadiakan sawagai sarana gasan mangatahui sajauh mana lawan bapandir kawa manjawab atawa bapikir lamun ada urang nang mamulai susurungan. Haratan manjawab susurungan, lawan bapandir pacang bapikir nang logis.[1]
Maisi waktu haratan bagadang manjagai mayat
[babak | babak asal-mulanya]Susurungan jua bafungsi sawagai maisi waktu haratan bagadang manjagai mayat lawan tujuan mangurangi rasa sadih kulawarga nang ditinggalakan wan jua sakira urang-urang nang manjagai mayat kada mangantuk wan kawa manggawi gawiannya mahadang mayat sampai baisukan.[1]
Sakira kawa malabihi urang lain
[babak | babak asal-mulanya]Susurungan jua bafungsi malabihi urang lain lawan cara mangecoh lawan bapandir sahingga urang nang mandangar partakunan susurungan pacangan bingung mancari jawaban partakunan nang diajuakan.[1]