Suryaganggawangsa

Maharaja Suryaganggawangsa adalah raja Nagara Dipa (Banjar Hindu). Maharaja Suryaganggawangsa anak Putri Junjung Buih lawan Maharaja Suryanata I. Pamaisuri sidin adalah Putri Huripan anak Lambu Mangkurat. Anak Maharaja Suryaganggawangsa adalah Putri Kalarang wan Putri Kalungsu.

Katarangan Hikayat Banjar

Di bawah ini adalah kutipan matan Hikayat Banjar nang manyambat sidin:

Maka Raden Suryaganggawangsa manjadi raja sarta didudus di padudusan, mamakai mahkota nang gugur dari udara itu; bardudus saparti astilah dahulu itu jua. Maka restulah Raden Suryaganggawangsa manjadi raja. Karajaan, sagala parintah astilah takhta karajaan itu, tiada barsalahan saparti takhta astilah Maharaja Suryanata itu. Alkisah maka tarsabutlah parkataan Maharaja Suryanata itu manjadi raja balum baristri. Maka sagala urang nang ampat puluh parampuan nang barbuat tapih langgundi jadi parakan Maharaja Suryanata itu sama dimantukkan pada ibu bapanya, nang mati ibu bapanya pada kaluarganya, sarta diparsalinnya sarta dangan parkakas isi rumahnya, dianugerahi ulih Maharaja Suryaganggawangsa itu. Yang handak barsuami diparsuamikan itu. Banyak tiada tarsabutkan. Maka Maharaja Suryaganggawangsa itu tiap-tiap hari Sabtu dihadap sagala manteri di sitilohor itu. Yang jadi mangkubumi Lambu Mangkurat nang mamarintah sakalian di luar di dalam istana raja itu. Akan panganan Aria Magatsari, akan pangiwa Tumanggung Tatah Jiwa. Kaduanya itu mamarintah nang di luar. Yang di bawahnya itu Patih Baras, Patih Pasi, Patih Luhu, Patih Dulu manteri ampat itu akan jaksa. Di bawahnya itu Sang Panimba Sagara, Sang Pangaruntun Manau, Sang Pambalah Batung, Sang Jampang Sasak; itu manteri bumi. Di bawahnya itu manteri ampat puluh, itu manteri sikap, sama mamegang kuasa saratus-saratus sa'urang sa'urang itu. Banyak tiada lagi tarsabut. Takhta parintah, takhta pakaian urang itu saparti adat Majapahit itu. Suka ramai dan makmur nageri itu; dagang pun banyak datang, pakai-pakaian makan-makanan sarba murah. Tetapi raja itu balum baristri.