Sungai Parit
Sungai Parit (Pelaihari) adalah batang banyu nang ada di Kalurahan Pelaihari, Kacamatan Pelaihari, Kabupatin Tanah Laut, Kalimantan Selatan. Di aliran sungai ngini tadapat parkampungan Cina Parit, nang mahubungakan Kalurahan Pelaihari wan Kalurahan Sarang Halang.[1]
Ujar urang bahari, ngaran Kampung Parit tumatan kata parit atawa saluran. Jaman bahari, di kampung ngini ada tambang amas, wan Sungai Parit dipakai jadi panampungan pasir amas nitu. Buhannya nang bagawi di tambang amas nitu banyak nang didatangakan tumatan luar dairah, ada sawalas urang nang didatangakan matan Cina. Lawas-kalawasan, katurunan buhannya tatap mandiami Kampung Parit, jadinya rancak disambat Cina Parit atawa Tionghoa Parit.[2]
Jujuhutan
[babak | babak asal-mulanya]- ^ Syarifuddin, Muhammad (31 Januari 2023). "Sejarah Sarang Halang". Radar Banjarmasin. Diakses tanggal 16 November 2024.
- ^ Yahya, Norsalim (8 Januari 2024). "Tahulan Pian, Asal-Usul Perkampungan Orang Cina di Tanah Laut". Radar Banjarmasin. Diakses tanggal 16 November 2024.