Selat Makassar

Tumatan Wikipidia basa Banjar, insiklupidia bibas
Loncat ke navigasi Loncat ke pencarian

Selat Makassar marupakan selat nang baandak di antara pulau Kalimantan wan Sulawesi di Indunisia sarta masuk dalam wilayah tektonik kompleks di higa lempeng Eurasia. Bagian utara selat makassar nang bahubungan langsung lawan Laut Sulawesi marupakan bagian nang paling dalam, nanitu mancapai 2500m. Bagian selatan selat marupakan bagian dangkal lawan kadalaman kurang matan 2000m wan basambung sampai ka salatan maampah ka dairah paparan di Laut Jawa bagian timur.[1]

Selat Makassar marupakan pabanyuan nang relatip subut matan pada pabanyuan nang lain. Suburnya selat Makassar terjadi saban tahun baik haratan musim barat atawa haratan musim timur. Haratam musim barat panyuburan terjadi karana adanya run off matan daratan Kalimantan maupun Sulawesi dalam jumlah ganal dikaranakan curah hujan nang cukup tinggi, sadangkan haratan musim timur panyaburan tarjadi karana adanya panaikan masa banyu (upwelling) di Selat Makassar. [2]

Selat ngini jua mahubungakan Laut Sulawesi di bagian utara lawan Laut Jawa nang ada di bagian selatan. Selat Makassar tarmasuk katiguri laut dalam wan marupakan salah sabuting Alur Laut Kapulauan Indunisia (ALKI).

Kuta palabuhan utama di salat ngini adalah Balikpapan, Makassar, wan Palu. Tampar ngini jua manjadi lukasi gugurnya pasawat Adam Air Penerbangan 574 nang maniwasakan 102 ikung panumpang wan awak pasawat pas 1 Januari 2007.

Referensi[babak | babak asal mulanya]

  1. ^ Riza Iskandar, Muhammad; Purwandana, Adi (2015). "Distribusi Temperatur, salinitas dan Fluoresensi Massa Air di Selat Makassar pada Bulan Juni 201". Oseanologi dan Limnologi di Indonesia. 41 (2): 168. 
  2. ^ Fajriyati Inaku, Dwi (2015). "Analisis Pola Sebaran dan Perkembangan Area upwelling di bagian selatan selat Makassar". Torani (Jurnal Ilmu Kelautan dan Perikanan). 25 (2015): 67.