Sastra Melayu

Sastra Melayu Klasik baawal pas abad ka-16 Masehi. Mulai wayahtu sampai wayahini gaya bahasanya kada banyak baubah.

Dukumin panambayan nang ditulis dalam bahasa Melayu klasik adalah sabuting surat matan raja Ternate, Sultan Abu Hayat hagan raja João III di Portugal wan bertarikhkan tahun 1521 Masehi.

Daftar bentuk sastra Melayu

Gurindam

Gurindam adalah sabuting bantuk puisi Melayu lawa nang tadiri matan duwa baris kalimat lawan irama uncit nang sama, nang marupakan sabuting kasatuan nang utuh. Baris pamulaan baisi samacam sual, masalah atawa parjanjian wan baris kaduwa baisikan jawabannya atawa akibat matan masalah atawa parjanjian pada baris pamulaan nang tadi.

Gurindam Lama

contoh:

Pabila banyak mencela orang

Itulah tanda dirinya kurang

Dengan ibu hendaknya hormat

Supaya badan dapat selamat

Gurindam Dua Belas

Kumpulan gurindam nang dikarang ulih Raja Ali Haji matan Kepulauan Riau. Dingarani Gurindam Dua Belas ulih karana baisi 12 pasal, antara lain tentang ibadah, kewajiban raja, kewajiban anak tahadap kuitan, tugas kuitan lawan anak, budi pekerti wan hidup bermasyarakat.

Hikayat

Hikayat adalah salah sabuting bentuk sastra prosa nang baisi tentang kisah, cerita, dongeng maupun sejarah. Umumnya mangisahkan tentang kaharatan maupun kapahlawanan saikung urang lengkap lawan keanehan, kesaktian serta mukjizat tokoh utama. Salah satu hikayat nang populer di Riau adalah Yong Dolah.

Karmina

Karmina atawa dipanandui lawan ngaran pantun kilat adalah pantun nang tadiri matan duwa baris. Baris pamulaan marupakan sampiran wan baris kaduwa adalah isi. Baisi bantuk sajak lurus (a-a). Rancaknya, dipakai hagan manyamapaiakan sindiran atawa ungkapan nang langsung.

Cuntuh

Sudah gaharu cendana pula

Sudah tahu masih bertanya pula

Pantun

Pantun marupakan samacam puisi nang tadiri atas 4 baris basajak a-b-a-b, a-b-b-a, a-a-b-b. Duwa baris nang awal marupakan sampiran, nang rancaknya tantang alam (flura atawa fauna); duwa baris uncit marupakan isi, nang marupakan tujuan matan pantun nang itu. 1 baris tadiri matan 4-5 kata, 8-12 suku kata.

Cuntuh Pantun

Kayu cendana di atas batu

Sudah diikat dibawa pulang

Adat dunia memang begitu

Benda yang buruk memang terbuang

Seloka

Seloka marupakan bantuk puisi Melayu Klasik, baisi papatah maupun paumpaan nang mangandung bagayaan, sindiran wan jua sambatan. Rancaknya ditulis ampat baris mamakai bantuk pantun atawa syair, kadang jua ditamui seloka nang ditulis labih matan ampat baris

cuntuh seloka labih matan 4 baris:

Baik budi emak si Randang

Dagang lalu ditanakkan

Tiada berkayu rumah diruntuhkan

Anak pulang kelaparan

Anak dipangku diletakkan

Kera dihutan disusui

Syair

Syair adalah puisi atawa karangan lawan bantuk taikat nang mamantingakan irama sajak. Rancaknya tadiri matan 4 baris, bairama aaaa, kaampat baris nang itu mangandung arti atawa maksud panyair (pada pantun 2 baris pauncitan nang mangandung maksud). Syair baasal matan Arab.

Talibun

Talibun adalah samacam puisi lawan nang kaya pantun karana baisi sampiran wan isi, tatapi labih matan 4 baris (mulai matan 6 baris sampai 20 baris). Bairama abc -abc, abcd -abcd, abcde-abcde, wan satarusnya.

Cuntuh Talibun:

Kalau anak pergi ke pekan

Yu beli belanak beli

Ikan panjang beli dahulu

Kalau anak pergi berjalan

Ibu cari sanakpun cari

Induk semang cari dahulu

Lain-lain

• Kitab Seribu Masalah

Lihati jua

• Bahasa Melayu
• Sastra

Puisi Syair dan Pantun Archived 2014-10-04 at the Wayback Machine