Sastra Bali

Sastra Bali marupakan salah sabuting khazanah kasustraaan Nusantara.

Nang kaya umumnya, sastra Bali ada nang diaktualisasikan dalam bantuk lisan (orality) wan bantuk tatulis (literary). Manurut kataguri periodisasinya kasustraan Bali ada nang disambat Sastra Bali Purwa wan Sastra Bali Anyar. Sastra Bali Purwa maksudnya adalah Sastra Bali nang diwarisi sacara taradisiunal lawan babantuk naskah-naskah lawas. Sastra Bali Anyar nanitu karya sastra nang diulah pas haratan masyarakat Bali sudah maalami mudirnisasi. Ada jua nang menyambat lawan sambatan Sastra Bali Modern.

Sastra Bali sabalum dipinandui adanya kartas di Bali, umumnya ditulis di atas daun lontar. Karana ditulis di atas daun lontar, "buku sastra", ini disambat lawan "lontar". Bantuk tulisan nang lain, nang kaya prasasti ada jua, lawan nang lain nang kaya mamakai babagai midia nang kaya batu wan limpingan tambaga, lamun kada tadapat karya Sastra Bali ditulis di atas bilah paring, kulit binatang, kayu, kulit kayu. Balakangan imbah dipinanduakan kartas, panulis karya sastra Bali manulisakan karyanya di atas kartas, wan jua ada sudah nang bakatik.

Basa nang dipakai hagan manulis Sastra Bali ada tiga macam nanitu Basa Jawa Kuno (Kawi Bali), Basa Jawa Tengahan, Basa Bali.