Søren Kierkegaard

Tumatan Wikipidia Banjar, kindai pangatahuan
Søren Aabye Kierkegaard
Erafilsuf abad ke-19
AliranFilsafat Eropa,[1][2] Zaman Keemasan Tradisi Sastra dan Seni, pendahulu dari Eksistensialisme, Pasca-modernisme, Pasca-strukturalisme, Psikologi eksistensial, Neo ortodoksi, dan masih banyak lagi
Minat utamaAgama, Metafisika, Epistemologi, Estetika, Etika, Psikologi
Gagasan pantingDianggap sebagai Bapak Eksistensialisme, kecemasan, keputusasaan eksistensial, Tiga ranah keberadaan manusia, Ksatria iman, Subyektivitas adalah Kebenaran

Søren Aabye Kierkegaard (5 Mei 1813-11 November 1855) marupakan saurang filsuf wan teolog abad ke-19 nang asalnya matan Denmark. Kierkegaard malihat dirinya surang sabagai urang nang religius wan anti-filsuf, tatapi wayahini inya di sambat sebagai abahnya filsafat eksistensialisme. Kierkegaard menjambatani jurang nang ada antara filsafat Hegelian wan apa nang imbahnya jadi eksistensialisme. Kierkegaard marupakan urang nang ketuju mengkritik Hegel pas pada masanya wan apa nang dilihatinya sebagai formalitas hampa matan Gereja Denmark. Filsafatnya marupakan sabuah riaksi lawan dialektika Hegel.

Banyak matan karya-karya Kierkegaard nang membahas masalah-masalah agama nang kaya hakikat iman, lambaga Gereja Kristen, etika wan teologi Kristen, wan emosi tarmasuk parasaan urang pas dihadapakan wan pilihan-pilihan nang eksistensial. Karana itu, karya Kierkegaard kadang-kadang digambarakan urang dengan eksistensialisme Kristen wan psikologi eksistensial. Gara-gara inya manulis banyak karya awalnya mamakai nama samaran, nang rancak manyambati wan mangkritik karya-karyanya nang lain nang ditulis memakai nama samaran nang lain, Ngalih banar hagan mambedakan antara apa nang bujur-bujur diyakini ulih si Kierkegaard lawan apa nang dipadahakannya sabagai argumen matan andakan urang pseudo-pengarang. Ludwig Wittgenstein manyambat Kierkegaard "sampai damini, inya marupakan pamikir nang paling dalam matan abad ke-19".[3][4]

Kahidupan[babak | babak asal-mulanya]

Tahun-tahun awal (1813–1841)[babak | babak asal-mulanya]

Søren Kierkegaard diranakakan urang nang keluarganya sugih di Kopenhagen, ibu kota Denmark. Abahnya, Michael Pedersen Kierkegaard, marupakan urang nang alim banar. Sidin yakin inya sudah dikutuk Tuhan, makanya inya parcaya kadada satupun nang dari anaknya akan beumur malabihi umur si Yesus Kristus, yaitu 33 tahun. Sidin parcaya dosa-dosa nya sorang, nang kaya manyambati nama Allah pas inya anum wan kamungkinanannya jua menghamili mamanya Kierkegaard di luar nikah, karananya inya pantas manarima hukumannya. Biar banyak matan ketujuh anaknya maninggal di umur anum, ramalannya kadada bukti pas dua dari anaknya tuh melewati umur si Yesus Kristus. Pengatahuan lawan pamahaman dosa matan masa anumnya, wan hubungannya lawan abah wan anak meandak dasar banyak karya Kierkegaard (khususnya Takut dan Gentar). Mamanya Kierkegaard, Anne Sørensdatter Lund Kierkegaard, kada langsung dirujuk dalam buku-buku inya, maskipun inya mampangaruhi tulisan-tulisannya di kamudian hari. Biar sifat ayahnya kadang-kadang nang kaya melankolis matan segi keagamaan, Kierkegaard beisi hubungan nang erat matan abahnya. Inya balajar hagan mamanfaatkan ranah imajinasinya danganan sarangkaian latihan wan mainan nang mereka mainkan beimbaian.

Abah Kierkegaard maninggal dunia pada 9 Agustus 1838 pas umur 82 tahun. Sebelum inya maninggal dunia, inya menyuruh Søren supaya jadi pendeta. Søren tapangaruh banar lawan pangalaman keagamaanya wan kehidupan abahnya karananya inya marasa kada nyaman mamanuhi apa nang dikahandaki si abahnya. Dua hari kamudian, pas 11 Agustus, Kierkegaard menulis: "Abah meninggal dunia pas hari Rabu. Ulun barharap banar sidin kawa hidup babarapa tahun labih lama lagi, wan ulun maanggap kematian sidin sabagai pengorbanan paling akhir nang diulahnya bakas cinta kasihnya lawa ulun ; ... inya maninggal hagan ulun supaya ulun jadi urang nang jadi sesuatu. Dari berataan nang sudah ulun warisi daripada sidin, kenangan akan sidin, potretnya dalam keadaan nang beda banar (transfigured) ... bujur bujur berharga bagi ulun, wan ulun kan barusaha hagan melestarikan (kenangan sidin) supaya aman tersembunyi di dunia."[5]

Kierkegaard masuk ke Sakulah Kebajikan Warga, dapat nilai nang baik banar dalam bahasa Latin wan sejarah. Inya menyambung pelajarannya di bidang teologi di Universitas Kopenhagen, tatapi satumat di sana inya jadi labih katuju akan filsafat wan literatur. Di universitas, Kierkegaard manulis disertasinya, Tentang Konsep Ironi dengan Referensi Terus-Menerus kepada Socrates, nang hagan panel universitas dianggap sabuah karya nang penting wan dipikirkan secara bujur bujur, tatapi tulisannya telalu puitis wan sastrawi untuk dijadiakan sabuah tesis filsafat.[6] Kierkegaard lulus pas 20 Oktober 1841 dapat gelar Magistri Artium, nang wahini sama lawan Ph.D. Memakai warisan keluarganya, Kierkegaard kawa bayar pendidikannya, ongkos hidupnya wan baberapa penerbitan karyanya.

Regine Olsen (1837–1841)[babak | babak asal-mulanya]

Regine Olsen, cintanya dalam hidupnya, wan bahan-bahan tulisannya.

Sabuah bagian nang panting matan kahidupan Kierkegaard (rancak dianggap beisi pengaruh ganal dalam karyanya) marupakan pertunangannya nang putus lawan Regine Olsen (1822 - 1904). Kierkegaard batamuan lawan Regine pas 8 Mei 1837 pas itu inya langsung ketuju lawan si Regine. Kaitu jua si Regine. Dalam jurnal-jurnalnya, Kierkegaard manulis cintanya lawan si Regine:

Ikam ratu hatiku nang tasimpan di lubuk hatiku nang paling dalam, dalam kahibakan pikiranku, di sana ... ilahi nang kada dikenal! Oh, kawakah aku bisa parcaya wan dongeng-dongeng si penyair, nang habarnya pas urang melihat obyek nang inya cinta, inya membayangakan bahwa inya sudah pernah melihat nya pas bahari, bahwa semuaan cinta nang kaya semuaan pengetahuan marupakan kenangan wara, bahwa cinta gin beisi nubuat-nubuat di dalam diri sorang. ... kayanya bagiku bahwa aku harus beisi kebungasan lawan berataan binian supaya kawa menyaingi kecantikan ikam: bahwa aku harus beputar bakaliling dunia hagan mencarii tempat nang kada aku beisi wan merupakan mister paling dalam matan keseluruhan keberadaanku nang mengarah ka muka, wan pada saat barikutnya ikam nang kaya parak banar dengan lawan aku, mehibaki jiwaku dengan dasyat sehingga aku beubah (transfigured) bagi ku sorang, wan merasaakan kenikmatan pas begana disini.


Pas 8 September 1840, Kierkegaard resmi mengawini si Regine. Namun, Kierkegaard marasa kacewa wan melankolis lawan pernikahan. Kurang matan satahun dari pinangannya, inya mamutus akan si Regina pada 11 Agustus 1841. Dalam jurnal-jurnalnya, Kierkegaard menyambat sifat "melankolis"inya meulah inya kada cocok hagan kawin; tatapi motif nang sebujurnya memutusakan pertunangannya masih kada jalas. Biasanya dipadahkan bahwa keduanya bujuran saling mencintai, barangkali bahkan juga setelah Regine menikah dengan Johan Frederik Schlegel (1817–1896), seorang pegawai negeri terkemuka (jangan dikacaukan dengan filsuf Jerman Friedrich von Schlegel, (1772-1829) ). Pada umumnya hubungan mereka terbatas pada pertemuan nang kada sengaja di jalanan Kopenhagen. Namun, beberapa tahun kemudian, Kierkegaard bahkan minta izin lawan suami si Regine hagan bepandir dengan Regine, tapi Schlegel menolak.

Kada lawas habis itu, pasangan itu tulak meninggalakan Denmark, dikaranakan Schlegel sudah diangkat jadi Gubernur Hindia Barat Denmark. Pas Regine datang lagi ke Denmark, Kierkegaard sudah meninggal dunia. Regine Schlegel hidup sampai tahun 1904, wan pas kematiannya, inya dikuburakan parak kuburan Kierkegaard di Alkah Assitents di Kopenhagen.

Kierkegaard sudah banyak mempengaruhi literatur pas abad ke-20. Urang-urang nang dipengaruhi banar oleh karya-karyanya tarmasuk Walker Percy, W. H. Auden, Franz Kafka, David Lodge, wan John Updike.

Kierkegaard jua bepengaruh banar lawan psikologi wan inya kurang lebih marupakan pendiri matan psikologi Kristen want Psikologi terapi eksistensial. Para psikolog wan terapis eksistensialis (rancak disambat "humanistik") tarmasuk Ludwig Binswanger, Victor Frankl, Erich Fromm, Carl Rogers, wan Rollo May. May mendasarkan bukunya The Meaning of Anxiety (Makna Kecemasan) lawan karya Kierkegaard Konsep tentang Kecemasan. Karya sosiologis Kierkegaard Dua Zaman: Zaman Revolusi wan Masa Wahini membariakan kritik nang manarik tarhadap modernitas. Kierkegaard jua dilihati sebagai pendahulu nang penting matan pasca-modernisme.

Kierkegaard meramalkan habis inya meninggal inya akan terkenal, wan membayangakan karyanya dipelajari wan diteliti dengan instensif. Di dalam jurnal-jurnalnya, inya menulis:

Apa nang di perluakan zaman wahini bukanlah urang nang jenius — urang jenius sudah cukup banyak —, malainkan seurang martir, nang hagan mengajar manusia supaya taas sampai mati, inya sorang gin akan taat jua sampai mati. apa nang diperluakan zaman wahini adalah kebangkitan. Wan karana itu suatu hari kelak, lain hanya tulisan-tulisan aku, tatapi jua saluruh hidup aku, saluruh misteri nang membangkitakan tanda tanya tentang mesin ini akan dipelajari tarus. Aku kada suah lupa kayaapa Tuhan menolong aku wan karana itu harapan aku nang terakhir marupakan segalanya sesuatunya adalah hagan kamuliaan-Nya — 

Rujukan[babak | babak asal-mulanya]

  1. ^ Klasifikasi ini anakronistik; Kierkegaard adalah pemikir yang luar biasa unik dan karya-karyanya tidak cocok dengan aliran atau tradisi filsafat manapun. Ia sendiri pun tidak mengidentifikasikan dirinya dengan aliran manapun. Namun, karya-karyanya dianggap sebagai pendahulu dari banyak aliran pemikiran yang berkembang pada abad ke-20 dan ke-21. Lihat 20th century receptions dalam Cambridge Companion to Kierkegaard.
  2. ^ Hannay, Alastair dan Gordon Marino (ed). The Cambridge Companion to Kierkegaard, Cambridge University Press 1997, ISBN 0-521-47719-0
  3. ^ Lippit, John dan Daniel Hutto. "Making Sense of Nonsense: Kierkegaard and Wittgenstein". University of Hertfordshire. Diarsipkan dari versi asli tanggal 2006-05-04. Diakses tanggal April 23. 
  4. ^ Creegan, Charles. "Wittgenstein and Kierkegaard". Routledge. Diarsipkan dari versi asli tanggal 2010-08-22. Diakses tanggal 23 April. 
  5. ^ Dru, Alexander. The Journals of Søren Kierkegaard, Oxford University Press, 1938.
  6. ^ Kierkegaard, Søren. The Concept of Irony with Continual Reference to Socrates, Princeton University Press 1989, ISBN 0-691-07354-6