Rumah Lanting

Rumah Lanting di Banjarmasin (dikudak wayah zaman pendudukan Belanda).

Rumah Lanting adalah rumah rakit tradisional nang mamakai pondasi rakit mengapung diulah dari susunan talu biji batang puhun kayu nang ganal. Rumah Lanting rancak oleng diulak gelombang dari kapal nang hilir mudik di sungai. Rumah Lanting banyak tadapat di sepanjang sungai-sungai di Kalimantan. Rumah Lanting jua tadapat di sapanjangan sungai Musi di Palembang, Sumatra Selatan lawan ngaran rumah rakit.

Rumah lanting merupakan sebuting dari 12 rumah adat nang ada di Banjar. Kabaradaannya kada kawa lapas dari situasi zaman bahari pabila sungai beisi peranan penting dalam kehidupan urang Banjar.

Ciri-ciri

Bubungan rumah lanting rancak memakai atap pelana. Mudel atap pelana ngitu sigin bangunan di banua dalam bahasa Indonesia ngarannya atap kampung, jadi kalu rumahnya bengaran Rumah Kampung.

Bahagian dalam rumah Lanting nang paling rancak ada tu ruang utama dan dipakai sigin berbagai macam kebutuhan. Bisa sigin tempat pengguringan, merangkap ruang keluarga pas lagi santai, lawan sigin ruang tamu, bahkan ruang makan bersama, sekaligus dapur sigin memasak atau menyiapkan bahan makanan.

Sebagaimana rumah lainnya, rumah lanting jua beisi lawang, biasanya menghadap ke sungai lawan banua. Ada jua lalungkang di sisi kiri lawan kanan. Ada jua titian dari kayu nang ngitu dipakai sigin memudahkan ampun rumah atawa tamu-tamunya, bisa jua sigin mahubungakan rumahnya lawan banua atau rumah nang lain.

Supaya kawa teapung, rumah lanting beisi landasan pelampung dari talu balok kayu. Supaya kada hanyut tebawa banyu, rumah lanting rancak diikat lawan tihang kayu nang menancap di dasar sungai.

Langka

Wayah bahari, kebanyakan berataan rumah warga di pinggir sungai pakai mudel lanting. Tapi semakin majunya zaman, rumah lanting nih jarang ada. Mun nya ada gin jua nang masih batampat tinggal di sungai hakun mamilih mambangun rumah panggung sebab lebih nahap bangunannya. Ada beberapa hal nang jadi sebab rumah lanting ditinggalkan. Pertama, karena biaya nang dipakai sigin meulah rumah lanting tabilang ganal, apalagi misal mendatangakan kayu gelodongan nag wayahini ngalih dicari. Kedua, perawatan nang kada murah sebab walau tahan banjir tapi rumah nya bisa tedampar dalam posisi miring jadinya rawan rusak. Ketiga, wayahini masyarakat sudah nyaman tinggal di daratan.