Puteri Junjung Buih
Puteri Junjung Buih atawa Puteri Tunjung Buih yatu saurang Puteri matan Karajaan Nagara Dipa ujar Hikayat Banjar. Ujar kisah, sidin muncul matan buih di sungai. Imbah itu, sidin diangkat anak oleh Patih Lambung Mangkurat. Ratu pemulaan Nagara Dipa (Puteri Junjung Buih) ini kawin lawan Pangeran Suryanata matan Majapahit. Meranakakan pangeran yatu Pangeran Aria Dewangga nang akan dikawinkan lawan Puteri Kabu Waringin yaitu anak Lambung Mangkurat. Buhan sidin ni pang nang manurunakan raja-raja Karajaan Nagara Dipa, Karajaan Nagara Daha, sampai Kasultanan Banjar lawan.
Menurut mitologi banyak tempat di Kalimantan, barang siapa nang handak jadi raja harus katurunan Puteri Junjung Buih. Makanya itu banyak raja-raja di Kalimantan nang mangaku katurunan sidin, kada raja-raja di Kalimantan Selatan aja. Ada karajaan-karajaan nang di Kalimantan Barat nang mangaku katurunan sidin jua. Nang parlu dingatakan yatu perihal Putri Junjung Buih itu banyak macam kisahnya. Terlapas matan itu, nang iyanya baliau saurang tukuh Puteri nang manurunkan silsilah raja-bangsawan Karajaan Nagara Dipa, Karajaan Nagara Daha dan Kasultanan Banjar.