Puru adalah inféksi tropis di kulimbit, tulang wan sunduk tulang nang dipungkalai lawan hayumuspiroketTreponema pallidum pertenue.[3] Panyakit ngini awalnya mulai matan bangkak nang karas wan bulat di kulimbit, nang ukurannya bisa 2 sampai 5 cm.[3] Di tangah bangkaknya kawa buntus nang kaina jadi ulkus.[3] Luka kulimbit awal ini rancak wagas imbah talu sampai anam bulan.[4] Imbah bamiminggu sampai batatahun, sunduk tulang wan tulang kawa ada rasa sakit, kauyuhan kawa bakambang, wan luka kulimbit hanyar hanyar mancungul.[3] Kulimbit talapak tangan wan talapak batis kawa bakandal wan babuka.[4] Tulang (di pahinakan) kawa baubah tagasnya.[4] Imbah lima tahun atawa labih pada nitu, dairah nang ligar di kulimbit kaina mati nang jadi kunat.[3]
