Pulau Biawak

Pulau Biawak atawa Pulau Rakit adalah sabuting pulau nang andakannya di kapulauan Biawak, Laut Jawa di Kabupaten Indramayu Jawa Barat. Pulau Biawak andakannya di subalah utara samananjung Indramayu, kikira 40 pal matan pantai utara Indramayu, wan sacara administratip tamasuk ka dalam wilayah kecamatan Indramayu, Kabupaten Indramayu.

Pariwisata

Pulau biawak adalah sabuting wadah pariwisata nang rami gasan dikunjangi. Daratan saluas 120 hiktar ngini juwa banyak ditumbuhi lawan rapun bakau nang mahijau wan racap wayah dijanak matan tampat nang tinggi.

Kapulauan naya hingkat ditulaki kikira 3 sampai ma-4 jam mamakai kalutuk matan bandar Karangsong, Indramayu, Indramayu. Pulau naya dipindandui sawagai wadah bawisata bahari lawan taman laut, iwak hias lawan juwa tarumbu karang nang masih anum wan hidup.

Ihwal ngaran

Sabujurannya ngaran pulau naya adalah Pulau Rakit, tagal lawan pamarintah kabupatin Indramayu mangarani Pulau Biawak marga di pulau ini banyak tahaga biawak. Satwa naya tamasuk malalain marga bagana di habitat banyu masin. Saban handak kalamari masuk magrib, puluhan biawak nang panjangnya maantara 20 cm samapi 1,5 m ada haja bakunyungan di pantai. Satwa-satwa nitu rahatan bagarit iwak gasan dimakannya.

Salaya disambat pulau Biawak, pulau naya juwa disambat lawan Pulau Menyawak wan Pulau Bompyis.

Gugusan pulau

Pulau Biawak marupakan pulau nang masih apik, marga talu pulau lainnya wastu pulau karang haja. Pulau Gosong, misalnya, tagasnya hudah rusak marga batu karangnya diambil gasan mauruk kilang minyak Pertamina Unit Pengolahan VI Balongan.

Kabaradaan pulau naya barbahaya banar gasan alur balayaran kapal-kapal laut nang lalu di kapulauan ngini. Ada haja riwayatnya, urang Walanda wayah menjajah kapulauan Indunisia, maulah marcusuar nang tingginya kikira 65 m, nang dibangun lawan ZM Willem wayah 1872. Sampai wayahini, bangunan nitu masih bapungsi gasan mamandu kapal-kapal ganal lawan halus nang lalu lalang. Amun dijanak umuran bangunannya, marcusuar naya dikikiraakan saumuran duwa marcusuar di Pantai Anyer.

Itihi juwa

• Daptar pulau di Indunisia
• Daptar pulau di Jawa Barat