Pipikaw

?Pipikaw
	;
Klasifikasi ilmiah
Karajaan:	Animalia;
Filum:	Chordata;
Kelas:	Aves;
Ordo:	Galliformes;
Famili:	Phasianidae;
Genera
	Coturnix; Anurophasis; Perdicula; Ophrysia;

Pipikaw adalah ngaran gasan beberapa genera dalam kulawarga Phasianidae. Burung ini ukurannya sadang, kada ganal wan kada halus jua. Pipikaw matan Dunia Baru (kulawarga Odontophoridae) wan pipikaw kancing (kulawarga Turnicidae) kada berkerabat dekat tagal ngaran buhannya beisian perangay wan ciri-ciri fisik nang mirip.

Pipikaw adalah unggas daratan nang halus tagal lamak. Buhannya makan biji-bijian tagal makan serangga wan mangsa haluy lainnya jua. Buhannya besarang di permukaan tanah, wan beisian kemampuan gasan bukah wan terabang ancap tagal jarak tempuhnya héndép. Beberapa spésiés nang kaya pipikaw jepang adalah migratori wan kawa terabang jarak jauh. Beberapa macam pipikaw diternak'akan dalam jumlah nang gonol. Pipikaw jepang diternak'akan terutama marga hintalunya.

Spésiés

Genus Coturnix
- Pipikaw Biasa, Coturnix coturnix
- Pipikaw Jepang, Coturnix japonica
- Pipikaw Stubble, Coturnix pectoralis
- Pipikaw Selandia Hanyar, Coturnix novaezelandiae -- punah
- Pipikaw Hujan, Coturnix coromandelica
- Pipikaw Harlequin, Coturnix delegorguei
- Pipikaw Soklat, Coturnix ypsilophora
- Pipikaw Biru, Coturnix adansonii
- Pipikaw Biru Asia, Coturnix chinensis
Genus Anurophasis
- Pipikaw Pegunungan Salju, Anurophasis monorthonyx
Genus Perdicula
- Pipikaw Semak Hutan, Perdicula asiatica
- Pipikaw Semak Bebatuan, Perdicula argoondah
- Pipikaw Semak Bermotif, Perdicula erythrorhyncha
- Pipikaw Semak Manipur, Perdicula manipurensis
Genus Ophrysia
- Pipikaw Himalaya, Ophrysia superciliosa -- kritis/punah

Tata boga

Kulawarga pipikaw temasuk macam burung nang rancak dimakan. Pipikaw rancak dimasak ala Prancis. Daging pipikaw biasa jua tahaga dalam masakan Malta, Portugis, wan India. Pipikaw umumnya dimakan lawan tulang-tulangnya marga gampang dimamah wan ,marga ukurannya nang halus meulah ngalih mun harus memisahakan tulangnya dahulu.

Hintalu pipikaw gén kawa jadi makanan nang lezat. Rancak hintalunya dimakan mantah-mantah lawan sushi wan umum tahaga dalam menu makan siang Jepang. Di Kolombia, hintalu pipikaw bejarang dipakai gasan pelengkap hot dog wan hamburger. Di Filipina, hintalu pipikaw nang dijarang wan dicelup saus lalu disanga lawan banyak minyak adalah jajanan setempat nang populér.

Hintalu pipikaw dipercaya tinggi kolésterolnyai, tagal penelitian menunjuk'akan bahwa kandungan kolésterol nang ada dalam hintalu pipikaw sekalinya sama aja lawan hintalu ayam.

Raitan luar