Piala Dunia FIFA 2022

Piala Dunia FIFA 2022 (bahasa Arab: 2022 كأس العالم لكرة القدم‎) marupakan partandingan pauncitnya nang ka-22 Piala Dunia FIFA, partandingan bal internasional ampat tahunan nang diumpati lawan bubuhan tim nasiunal lakian angguta FIFA. Partandingan wayah ini dijadwalakan balangsung di Qatar rahatan 20 Nupimbir sampai 18 Disimbir 2022. Qatar manjadi tuan rumah panambayan Piala Dunia FIFA nang suah diadakan di dairah Arab, wan di banua nang penduduk Muslim pambanyaknya. Piala Dunia FIFA 2022 ngini juwa cagar manjadi Piala Dunia FIFA kadua nang diadakan satuntungan di Asia imbah Piala Dunia FIFA 2002 di Kuria Salatan wan Japang. Imbah itu, partandingan ngini cagar manjadi nang tarakhir nang maumpatakan 32 tim, rahatan partandingan imbahnya (yaitu pas Piala Dunia FIFA 2026 di Amarika Utara).

Partandingan nang ini juwa cagar menandai Piala Dunia FIFA panambayan nang kada diadakan pas bulan Mai, Juni, atawa Juli; Piala Dunia FIFA tahun ini cagar dijadwalkan pas akhir Nupimbir sampai partangahan Disimbir. Piala Dunia FIFA ngini cagaran dimainkan dalam 29 hari, nang partandingan pamungkasnya diadakan pas 18 Disimbir 2022, nang juwa marupakan Hari Nasiunal Qatar.