Patai

?Petai
Polong petai, sapalih dibuka gasan malihatakan biginya
Klasifikasi ilmiah
Karajaan: Plantae Ordo: Fabales Famili: Fabaceae Upafamili: Mimosoideae Genus: Parkia Spesies: P. speciosa
Ngaran binomial
Parkia speciosa

Patai (Parkia speciosa) marupakan rapun tahunan trupika matan suku polong-polongan (Fabaceae), anak-suku papataian (Mimosoidae). Tumbuhan ngini tersebar luas di Nusantara bagian barat. Biginya, nang disambat "patai" juwa, dimakan wayah masih anum, rahatan sigar atawa imbah dijarang.

Pohon patai tumbuh manahun, tinggi bisa sampai 20 m wan kada tapi bacikang. Daunnya banyak, tasusun balapar. Kambangnya banyak, tasusun dalam tungkul (panciri Mimosoidae). Kambang rancak cungul di parak hujung tangking. Buahnya ganal, bapanjang, parian buah polong. Matan sabuting tungkul kawa ditamui sampai balasan buah. Dalam sabuting hamparan baisi 20 bigi, nang babalang hijau wayah anum wan bakalubut salimput pina kandal babalang habuk anum. Buah patai cagaran karing lamun masak wan balapasan biginya.

Bigi patai, nang babau banar nang handak mahirip lawan jaring, dimakan wayah sigar atawa dijadiakan bahan masakan. Sambal goreng hati kada langkap amun kada pakai patai. Sambal patai juwa marupakan makanan nang kada talapas lawan patai.

Bigi patai rajin dijual lawan maumpatiakan polongnya. Tagal, wayahini dijual pakai cara mambungkus dalam plastik atawa dalam gabus nang dibungkus plastik kedap udara.