Pasar Tungging

Tumatan Wikipidia Banjar, kindai pangatahuan
Sabuting pasar tungging di Banjarmasin.

Pasar Tungging adalah istilah nang diambil matan basa Banjar. Tungging dalam Kamus Besar Bahasa Indonesia (KBBI) baarti mambungkuk lawan kapala ka bawah wan burit taangkat ka atas atawa maniruk lurus ka bawah.

Pamahaman[babak | babak asal-mulanya]

Matan pamahaman di atas, kawa digambarakan bahua aktipitas salawas tajadinya parusis jual tukar di pasar tungging nang ada, kawa ditamuakan babarapa masarakat nang manunggingakan awaknya gasan mamilah barang dagangan. Saupama damintu, kada sabarataan panukar nang datang mamilah wan manukar barang dagangan lawan cara manunggingakan awaknya.

Pangaranan pasar tungging dipahami marga parusis jual tukar nang balangsung kawa disambat hancap. Maingat waktu bajualan bubuhan padagang di pasar-pasar tungging kada tapi lawas. Amun sudah tangah hari, atawa sabalum pukul 12.00, bahanu aktipitas di pasar-pasar tungging sudah bamula sunyi.

Sabuting Pasar Tungging nang kawa ditamui di indung banua parupinsi Kalimantan Salatan adalah kawasan Pasar Tungging Belitung di Jalan Belitung Darat, kalurahan Kuin Cerucuk, kacamatan Banjarmasin Barat, kuta Banjarmasin. [1]