Paris barantai
Paris Barantai adalah lagu babahasa banjar matan Kalimantan Selatan. Lagu ngini marupakan ulahan Anang Ardiansyah, lawan pemulaan dibawaakan lawan Raja Banjar pada 1960-an. Lagu ngini bakisah tentang perasaan saurang tentang kampung halaman inya, dan karinduan wan urang yang behuma disana.[1]
Dari samuaan lagu ulahan Anang Adriansyah, Paris Barantai, baimbai lawan " Kambang Goyang " manjadi satu-satunya nang baisi hak cipta, wahini sudah diwarisakan lawan ahli warisnya, Riswan Irfani.[2]
Isi Lirik
[babak | babak asal-mulanya]Wayah pang sudah
Hari baganti musim
Wayah pang sudah
Kotabaru gunungnya bamega
Bamega umbak manampur di sala karang
Umbak manampur di sala karang
Batamu lawanlah adinda
Adinda iman di dada rasa malayang
Iman di dada rasa malayang
Pisang silat tanamlah babaris
Babaris tabang pang bamban kuhalangakan
Tabang pang bamban kuhalangakan
Bahalat gununglah babaris
Babaris hatiku dandam kusalangakan
Hatiku dandam kusalangakan
Burung binti batiti di batang
Di batang si batang buluh kuning manggading
Si batang buluh kuning manggading
Malam tadi bamimpilah datang
Rasa datang rasa bapaluk lawan si ading
Rasa bapaluk lawan si ading
Daftar Jujuhutan
[babak | babak asal-mulanya]- ^ Sasongko, Michael Hari; Tompo, Hengki Bonifasius (2021-06-30). "Menelusuri Makna Lirik dalam Lagu-lagu Pujian Kristen Karismatik". Jurnal Apokalupsis. 12 (1): 1–18. doi:10.52849/apokalupsis.v12i1.13. ISSN 2747-285X.
- ^ "Mengenal Anang Ardiansyah, Maestro di Balik Populernya Paris Barantai - Sonora.id". www.sonora.id (dalam bahasa Indonesia). Diakses tanggal 2024-05-19.