Pampijit

Tumatan Wikipidia Banjar, kindai pangatahuan
?Pampijit
Cimex lectularius
Cimex lectularius
Klasifikasi ilmiah
Karajaan: Animalia
Filum: Arthropoda
Kelas: Insecta
Ordo: Hemiptera
Upaordo: Heteroptera
Infraordo: Cimicomorpha
Superfamili: Cimicoidea
Famili: Cimicidae
Latreille, 1802
Subfamilies, Genera & Species

Subfamily Afrociminae

Subfamily Cimicinae

Subfamily Cacodminae

Subfamily Haematosiphoninae

Subfamily Latrocimicinae

Subfamily Primicimicinae

Pampijit atawa bangsat atawa kepinding atawa tinggi atawa disambat jua tumila adalah karangga parasit matan kulawarga Cimicidae. Pampijit dipinandui sawagai spesies nang manginum darah manusia wan binatang badarah panas lainnya. Pampijit katuju bagana di rumah manusia, apalagi di pangguringan. Pampijit rancak bagana wan bahintalu di lipatan pangguringan atawa bantal wan tampat nang tasalip. Pampijit kawa maigut urang tanpa disadari urangnya, biasanya pampijit agresif wayah malam. Pampijit kawa manimbulakan bakas igutan nang babantuk bial wan asa gatal wan panas. Pampijit ngini biasanya manimbulakan panyakit ruam-ruam, ujak psikologis, wan gajala alergi. Binatang ngini baunya kada tapi nyaman wan pina manyangat di hidung.

Kalakuan[babak | babak asal-mulanya]

Kaparluan darah[babak | babak asal-mulanya]

Pampijit parlu darah gasan bakambang matan mamacah hintalu sampai tuha.[1] Rancaknya pampijit ditamui di pangguringan atawa jua kursi. Di Indunisia, sampai pahabisan 1970-an, masalah pampijit banyak ditamui di rumah, hotel, wan jua di bis wan tampat nang lain-lain.[1]

Bakambangbiak[babak | babak asal-mulanya]

Pampjit bini baintalu 200 buting (3-4 buting intalu satiap harinya).[1] Dalam 5 bulan, Pampijit baukuran 6-10 mm sampai tuha. Kawa hidup sampai 10 bulan.[1]

Kamunculan wan Distbusi[babak | babak asal-mulanya]

Pampijit kawa ditamui sabarataan wilayah di dunia nang sudah dihuni manusia. Baharinya, pampijit identik lawan urang kada baduit wan cungul di andak panampungan nang ganal. Wayah ngini, pampijit kawa ditamui di parak barataan tampat, mulai matan rumah sakit, hutil, sampai karita api, kapal pasiar, wan pasawat tarbang. Rancaknya, pampijit batabun di bagasi, saupama inya kawa bapindah jua malalui pakakas wan banda lainnya. Marga kadada disuruhukan malapur gasan maitihi ada atawa kada pampijit rahatan tulak kamana-mana, jadi kada dikatahui jumlah pampiit barapa, tagal ada haja kaduan masalah pampijit ngini.[2]

Catatan Batis[babak | babak asal-mulanya]

  1. ^ a b c d Fakta tentang kutu busuk (bed bugs), Cimex hemipterus (Hemiptera:Cimicidae) dan cara pengendaliannya
  2. ^ Rahlenbeck S, Utikal J, Doggett SL (September 2016). "On the rise worldwide: Bed Bugs and Cimicosis". British Journal of Medical Practitioners. 9 (3): e921.