Pagunungan Meratus

Meratus yaitu kawasan pagunungan nang andakannya di tenggara Pulau Kalimantan lawan memanggal Prupinsi Kalimantan Salatan jadi dua. Pagunungan ini baisi panjang ± 600 km² matan arah barat daya-timur laut wan baliung ke arah utara sampai pabatasan prupinsi Kalimantan Tangah wan Kalimantan Timur. Titik paningginya di rangkaian Pagunungan Meratus ialah Gunung Halau-halau nang baisi katinggian 1.901 Mdpl.

Geografi

Sacafa geografis kawasan Pagunungan ngini andakanya di antara 115°38’00" hingga 115°52’00" Bujur Timur wan 2°28’00" hingga 20°54’00" Lintang Salatan. Pagunungan Maratus mencakup lapan wilayah kabupatin di prupinsi Kalimantan Salatan, yaitu Hulu Sungai Utara, Hulu Sungai Tangah, Hulu Sungai Salatan, Tabalong, Tanah Laut, Banjar, Kotabaru wan Tapin.^[1] Di prupinsi Kalimantan Timur mencakup ampat wilayah yaitu Paser, Penajam Paser Utara, wan Kutai Barat hagian salatan. Mun di Prupinsi Kalimantan Tangah maliputi hagian halus Barito Utara wan Barito Timur.

Flora wan fauna

Pagunungan ngini kawasan nang baisi hutan nang digolongakan jadi hutan pagunungan randah. Kawasan ngini baisi kaanekaragaman hayati nang tinggi wan sajumlah vegetasi dominan nang kaya Meranti Putih (Shorea spp), Meranti Habang (Shorea spp), Agathis (Agathis spp), Kanari (Canarium dan Diculatum BI), Nyatoh (Palaquium spp), Medang (Litsea sp), Durian (Durio sp), Gerunggang (Crotoxylon arborescen BI), Kempas (Koompassia sp), Belatung (Quercus sp).^[2] Sapanjang pagunungan ngini banyak kebun karet.^[3]

Fauna khas ada jua di pagunungan ngini nang kaya Warik Buntut Panjang, Rusa, Kijang, Kucing Hutan, Tupai Halus, bamacam parian Kodok, bamacam parian reptil, Tum-Tum, bamacam parian Kupu-Kupu wan Serangga, Iwak ular tropidolaemus spesies hanyar bagaris putih, garis habang wan garis hijau, Iguana Meratus, burung bejambul wan patuk panjang, kodok batanduk, kodok darah bintik, tokek belang, primata uwa-uwa putih, wan habang wan Maskot Kalimantan Salatan, Bakantan.

Jujuhutan

↑ Al Fatah, Y., dan Tio, B. (2004). "Menggali Kearifan di Kaki Pegunungan Meratus" (PDF). Intip Hutan: 1.
↑ "Yasir Al Fatah & Betty Tio - Menggali Kearifan di Kaki Pegunungan Meratus" (PDF). Diarsipkan dari versi asli (PDF) tanggal 2012-01-05. Diakses tanggal 2012-03-14.
↑ Wadley, Reed L. (2005). Histories of the Borneo Environment: Economic, Political and Social Dimensions of Change and Continuity (dalam bahasa Inggris). KITLV Press. ISBN 978-90-6718-254-6.

[1] Al Fatah, Y., dan Tio, B. (2004). "Menggali Kearifan di Kaki Pegunungan Meratus" (PDF). Intip Hutan: 1.

[2] "Yasir Al Fatah & Betty Tio - Menggali Kearifan di Kaki Pegunungan Meratus" (PDF). Diarsipkan dari versi asli (PDF) tanggal 2012-01-05. Diakses tanggal 2012-03-14.

[3] Wadley, Reed L. (2005). Histories of the Borneo Environment: Economic, Political and Social Dimensions of Change and Continuity (dalam bahasa Inggris). KITLV Press. ISBN 978-90-6718-254-6.

[1]

[2]

[3]