Pagat Batu Benawa
Pagat Batu Benawa adalah wadah wisata alam nang baandak di wilayah Bukit Batu Bini, Kampung Pagat, Kacamatan Batu Benawa, Kabupatin Hulu Sungai Tengah, Parupinsi Kalimantan Selatan.[1][2] Wadah wisata ngini baisi jarak kira-kira 7 kilumitir matan Kota Barabai.[2] Wadah wisata nang diurus lawan Pamarintah Kabupatin Hulu Sungai Tengah ngini baisi gua wan susunan batu ganal di tangah hutan tarupis nang baisi tinggi kira-kira 25 mitir. Lain pada ngitu, wadah wisata ngini dialiri lawan Sungai Pagat nang rancak dipakai sagan balanting.[3]
Kisah
[babak | babak asal-mulanya]Wadah wisata ngini rancak dikaitakan lawan kisah Raden Pengantin, nang mana manurut kisahnya, Raden Penganten wan jukungnya dikutuk jadi batu maraga inya durhaka lawan umanya imbah marantau ka banua lain. Manurut kisah nang ada di masyarakat, jukung Raden Pangantin pacah manjadi tiga buting. Manurut kisahnya, bagian balakang jukungnya manjadi gua di Bukit Sarigading Pagat Batu Benawa. Adapun manurut kisahnya jua, bagian tangah jukungnya manjadi Gua Liang Hadangan di Kampung Mandala Batu Banawa, nang mana manurut kisahnya jua, bagian muka jukungnya manjadi gua di Loksado, Kabupatin Hulu Sungai Salatan. Maraga ngitu, ada nang mamadahakan bahuwa gua ngini baisi aura mistis.[4]
Jajuhutan
[babak | babak asal-mulanya]- ^ "disporabudpar-HST". Diarsipkan dari versi asli tanggal 2015-04-17. Diakses tanggal 2015-04-17.
- ^ a b "republika.co.id".
- ^ "Wisata Pagat di Kabupaten Hulu Sungai Tengah Kalsel Tawarkan Berbagai Wahana dan Fasilitas". Banjarmasinpost.co.id (dalam bahasa Indonesia). Diakses tanggal 2024-12-24.
- ^ Rizaldi, Akbar (2023-11-13). "Menelisik Pagat Batu Benawa, Wisata yang Jadi Latar Legenda Raden Pengantin". Poros Kalimantan (dalam bahasa Inggris). Diakses tanggal 2024-12-24.