Pabidaan masigit taradisiunal Jawa wan Banjar
Masigit taradisiunal Banjar pada dasarnya manjuhut pula masigit taradisiunal Jawa hususnya masigit Agung Demak, marga Kasultanan Banjar panambaian kali mandapat ujak agama Islam matan Kasultanan Demak Bintoro. Wayah ngitu Kasultanan Demak mangirim Khatib Dayan nang marupakan cucu Sunan Gunung Jati Cirebon gasan maajarakan agama Islam lawan rakyat nagari Banjar di Kalimantan Salatan. Tagal, masigit gaya Banjar ayungannya baisi ciri hasnya saurang misalnya tajanak di hatap kamuncaknya nang tinggi manjulang.
Masigit bagaya Banjar suah dibangun di Sumatra wan Malaysia Barat, misalnya:
- Masigit Tinggi, Jalan Banjar di Bagan Serai, nagara palihan Perak.[1]
Sapalih pabidaan pula masigit taradisiunal Jawa wan Banjar:
- Masigit di nagri Banjar dibangun lawan rarangka panggung.
- Masigit di nagri Banjar di palihan paimamam (mihrab) baisi hatap saurang tahalat matan bangunan indung.
- Di puncak masigit tadapat sungkul bangunan masigit nang disambat pataka nang diulah matan kayu ulin. Di Jawa disambat mustoko/memolo diulah matan tanah liat.
- Di hujung-hujung sampukan hatap di jurai luar tadapat Jamang.
- Tadapat pagar susur nang disambat Kandang Rasi.
- Masigit di Tanah Jawa tadiri atas 2 bangunan tatambaian, yaitu bangunan nang bahatap tumpang talu nang marupakan "nDalem" wan bangunan bahatap limas di mukanya nang marupakan "pandupu" sadangakan Masigit di nagri Banjar wastu tadiri atas satu bangunan tatambaian nang bahatap tumpang talu. Hatap tumpang (tajug) paatasan taruncing (curam) daripada masigit di Jawa.
-
Masjid bergaya Banjar di tepian sungai. -
Lukisan keadaan Masjid Sultan Suriansyah tempo dulu, pengimamannya masih beratap kecil menempel.
-
Pengimaman yang beratap pada Masjid Sultan Suriansyah.
-
Halaman depan Masjid Sultan Suriansyah.
-
masjid Martapura tempo dulu -
Masjid Tinggi Bagan Serai yang bergaya Banjar
-
Maket Masjid Sungai Mandala, Negara
