Pékat

Tumatan Wikipidia Banjar, kindai pangatahuan
240px Pékat

Pékat (BK)[1]/Paykat (BH)[1] adalah sakalumpuk palma matan puak (tribus) Calameae nang baisi habitus memanjat, tautama Calamus, Daemonorops, wan Oncocalamus. Puak Calameae saurang tadiri matan intang anam ratus angguta, awan dairah parsabaran di bagian trupis Afrika, Asia wan Australasia. Ka dalam puak ngini tamasuk jua marga Salacca ( pariannya salak), Metroxylon (pariannya rumbia/sagu), sarta Pigafetta nang kawa memanjat, wan sacara tradisiunal kada digulungakan sabagai Pékat.

Batang pékat biasanya langsing awan diameter 2-5 sinti, babuku-buku panjang, kada barungga, lawan banyak nang dilindungi ulih duri-duri panjang, karas, wan landap. Duri ngini baguna cagar alat partahanan diri matan herbivora, salajur manulungi bakarakap, marga pékat kada dilangkapi awan sulur. Sabuting batang pékat kawa mandapati panjang ratusan mitir. Batang pékat mangaluarakan banyu lamunnya ditatak wan kawa digunaakan cagar batahan hidup di alam bibas. Badak jawa dikatahui jua manjadiakan pékat gasan makanannya.

Rancak pékat baasal matan hutan di Malaysia, nang kaya Sumatra, Jawa, Borneo, Sulawesi, wan Nusa Tenggara. Indunisia manambahi 70% kaparluan pékat di dunia. Sisanya diisi tumatan nagara Malaysia, Filipina, Sri Lanka, wan Bangladesh.

Pékat hancap tumbuh wan kada ngalih dikatam lawan jua diangkut. Ngini dianggap manulungi manjaga kalastarian hutan, marga urang labih katuju mangatam pékat di kayu.

Kursi ulahan matan paykat.

Jujuhutuan[babak | babak asal-mulanya]

  1. ^ a b Abdul Jebar Hapip, Kamus Banjar Indunisia, Cetakan V - Banjarmasin, PT. Grafika Wangi Kalimantan, 2006