Otomikosis
Otomikosis adalah inpeksi talinga nang disebabakan ulih jamur. Dikanal jua sabagai otitis eksterna fungal. Otomikosis karancakan manganai pinna wan luang talinga luar nang marupakan lingkungan ideal hagan partumbuhan jamur. Otomikosis jua kawa manganai talinga tangah. Otomikosis rancak kajadian di macam-macam wilayah demografi nang kalambabannya tinggi di dairah trupis wan subtrupis.[1][2][3]
Angka kajadian otomikosis sekitar 9% sampai 25% dari pasien nang datang lawan gajala wan tanda klinis otitis eksterna. Otomikosis kerancakan didapat di bibinian daripada lalakian nang umuran 21-40 tahun. Otomikosis jua kawa kajadian ka kakanakan wan urang tuha. Kajadian otomikosis magin banaik sehubungan wan faktor predisposisi misalnya: status imunokompromais (urang nang takana AIDS, Diabetes Mellitus), pamakaian steroid, dermatitis, pamakaian antibiotik spektrum luas, pamakaian antibiotik titis talinga tanpa indikasi, pamakaian alat bantu hagan mandangar, infeksi telinga balawasan, rabit membran timpani, mastoidektomi, rancak bakunyung, manyalam, kadada serumen, trauma imbah prosedur invasif di talinga, permasalahan kulit belawasan, kurang gizi waktu kakanakan, wan parubahan hormonal pas datang bulan wan batianan.[4][3][5]
Panyabab[babak | babak asal-mulanya]
Panyabab otomikosis paling rancak adalah jamur saprofit nang banyak tedapat di alam wan lingkungan sakitar. Ada 61 macam jamur balainan nang diidentifikasi sabagai panyabab otomikosis. Lamun, nang paling banyak panyabab otomikosis, yaitu:[6][7]
- Aspergillus flavus
- Aspergillus niger
- Candida albicans
- Aspergillus fumigatus
Gajala wan tanda[babak | babak asal-mulanya]
Otomikosis ditandai wan kaluhan sakit (otalgia), kaluar cairan (otorrhea), gangguan pandangaran sampai hilang pendangaran, telinga rasa hibak, gatal, wan bedengung (tinitus). Tatapi otomikosis kawa jua kadada kaluhan lalu. Otomikosis nang kada begejala wan kada ditangani kamungkinan maulah hilangnya pandangaran. Otomikosis biasanya manganai salah satu talinga haja. Pada pamariksaan mamakai otoskop kawa malihat pambangkakan (edema), habang habang (hiperemis) kulit luang talinga luar, pangalupasan epitel superfisial, panumpukan debris nang babantuk hifa, wan supurasi.[1][8][9]
Pada tahap pamulaan infeksi, pertumbuhan jamur talihat sabagai spora bawarna putih atawa hirang di infeksi nang disebabakan Aspergillus spp atau adanya deposit “creamy” atawa likat pada infeksi nang disebabakan ulih Candida spp. Pada tahap salanjutnya pacang kalihatan rigat bawarna putih nang kaya rarabitan kartas basah, barikit, babintik-bintik nang mehibaki liang talinga wan peradangan nang magin luas di liang telinga.[10]
Pamariksaan pandukung[babak | babak asal-mulanya]
Pamariksaan pandukung nang kawa digawi yaitu pamariksaan kultur debris liang talinga mamakai media Saboraud's dextrose wan diaramakan di suhu kamar. Imbah satu minggu kalihatan koloni filamen bawarna putih nang pada pamariksaan mikroskopis kalihatan sabagai hifa-hifa lebar wan diujungnya tatamu sterigma wan spora bajejer barikit di permukaannya.[8]
Diagnosis pasti ditagakkan mamakai pameriksaan sampel debris di preparat nang sudah difiksasi larutan KOH 15-30%. Selanjutnya pada pamariksaan mikroskopis kawa mendapatakan hifa lebar besekat wan kadang kawa tadapat spora halus jamur.[8]
Diagnosis banding[11][babak | babak asal-mulanya]
Kundisi lain nang gejalanya mirip wan otomikosis, antara lain:
- Otitis eksterna bakterial
- Kolesteatoma
- Otitis media kronik
- Perforasi membran timpani
- Dermatitis seboroik
- Furunkulosis
Pananganan[babak | babak asal-mulanya]
Biasanya otomikosis nang ditangani bujubujur, kawa ampih dalam 2 sampai 3 minggu. Pananganannya yaitu debridemen lokal wan maangkat jamur dari liang telinga wan pemberian obat antijamur lokal maupun sistemik nang kawa dibariakan di kasus berat dan kada marespon wan terapi lokal. Pada otomikosis ringan, kawa dibarii pananganan mamakai cairan asam asetat. Salama pangobatan, liang telinga harus tajaga supaya tatap karing wan basuasana masam hagan mahindari pertumbuhan jamur wan mahindari faktor risiko kaya bakunyung, manyalam, atawa mambarasihi seruman sampai habis. Tindakan pembersihan liang telinga kawa digawi mamakai lidi kapas/kapas nang dililitakan di aplikator, pangait serumen, atau suction.[1][5][8]
Terapi antijamur spesifik terdiri dari:[8][12]
- Nistatin nang mahambat sintesis sterol pada membran sitoplasma. Nistatin nang dibarikan kawa babantuk krim, ointment, atawa bubuk.
- Azoles sabagai agen sintetis nang mangurangi konsentrasi ergosterol nang marupakan sterol penting dalam membran sitoplasma normal.
- Klotrimazol, paling banyak dipakai sabagai azol topikal marupakan agen terapi nang paling efektif dalam penanganan otomikosis wan kada beefek ototoksik. Klotrimazol beefek bakterisid (mamatii bakteri) sahingga kawa diberikan pada infeksi campuran bakteri wan jamur. Klotrimazol tasadia dalam bentuk bubuk, lotion, wan solusio.
Pencegahan[babak | babak asal-mulanya]
Beberapa pencegahan nang kawa digawi antara lain:[13][14]
- Membiarakan sedikit serumen (kotoran telinga) di liang telinga, sabagai antibakteri wan antijamur alami
- Mangaringakan telinga imbah bakunyung wan mandi
- Mamakai panutup telinga wayah bakunyung atawa manyalam
- Kada manutup telinga wan kapas
- Kada mambarsihi telinga mamakai sabun nang kawa mengganggu pH serumen
Komplikasi[babak | babak asal-mulanya]
Studi manunjukakan kakambuhan otomikosis pada 8.89% urang nang kana. Otomikosis nang kada ditangani baik baik, kada mambaik wan terapi, atawa tapapar banyu nang bajamur kawa bakambang jadi otomikosis kronik. Otomikosis kawa meinfeksi bagian telinga nang tadalam misalnya membran timpani, telinga dalam, malahan menginfeksi tulang tengkorak, infeksi mastoid, wan meningoensefalitis.[13][15]
Referensi[babak | babak asal-mulanya]
- ^ a b c Edward, Yan; Irfandy, Dolly (2012-09-01). "Otomycosis". Jurnal Kesehatan Andalas. 1 (2). doi:10.25077/jka.v1i2.59. ISSN 2615-1138.
- ^ Munguia-Vazquez, Raymundo; Daniel, Sam (2008-05-01). "Ototopical antifungals and otomycosis: A review". International journal of pediatric otorhinolaryngology. 72: 453–9. doi:10.1016/j.ijporl.2007.12.005.
- ^ a b Barati, B; Okhovvat, S A R; Goljanian, A; Omrani, M R (2011-12). "Otomycosis in Central Iran: A Clinical and Mycological Study". Iranian Red Crescent Medical Journal. 13 (12): 873–876. ISSN 2074-1804. PMC 3371907
. PMID 22737432.
- ^ Sudrajad, Hadi dkk (2018). "Efektivitas asam asetat 2% dalam alkohol 70% dibanding ketokonazol 2% topikal pada terapi otomikosis". ORLI. 48 (1): 27.
- ^ a b Koltsidopoulos, Petros; Skoulakis, Charalampos (2019-05-29). "Otomycosis With Tympanic Membrane Perforation: A Review of the Literature". Ear, Nose & Throat Journal (dalam bahasa Inggris): 014556131985149. doi:10.1177/0145561319851499. ISSN 0145-5613.
- ^ "View of Study of Etiological factors, mycological profile and treatment of Otomycosis | International Journal of Medical Research and Review". ijmrr.medresearch.in. Diakses tanggal 2020-05-07.
- ^ "Clinical and mycological studies of otomycosis". www.pjms.com.pk. Diakses tanggal 2020-05-07.
- ^ a b c d e Marlinda, Lita, dkk (2016). "Otomikosis Auris Dextra pada Perenang". Medila Unila. 6 (1): 69.
- ^ Anwar, Khurshid; Gohar, Muhammad Shahid (2014). "Otomycosis; clinical features, predisposing factors and treatment implications". Pakistan Journal of Medical Sciences. 30 (3): 564–567. doi:10.12669/pjms.303.4106. ISSN 1682-024X. PMC 4048507 . PMID 24948980.
- ^ Sulaiman, Eman dkk (2015). "Potency of Vinegar Therapy in Otomycosis Patients". Journal of Medicine and Health. 1 (2): 146.
- ^ "VisualDx Cookie Check". www.visualdx.com. Diakses tanggal 2020-05-07.
- ^ Mishra, Prasun dkk (2017). "Otomycosis treatment: Topical drops vs Cream - A Prospective Randomized Study" (PDF). Clinics in Surgery. 2 (1747). Diarsipkan dari versi asli (PDF) tanggal 2020-07-26. Diakses tanggal 2020-05-07.
- ^ a b "Otomycosis: Symptoms, causes, and treatment". www.medicalnewstoday.com (dalam bahasa Inggris). Diakses tanggal 2020-05-07.
- ^ general_alomedika (2019-03-24). "Edukasi dan Promosi Kesehatan Otitis Eksterna". Alomedika. Diakses tanggal 2020-05-07.
- ^ Viswanatha, Borlingegowda; Naseeruddin, Khaja (2011-01-14). "Fungal Infections of the Ear in Immunocompromised Host: a Review". Mediterranean Journal of Hematology and Infectious Diseases. 3 (1). doi:10.4084/MJHID.2011.003. ISSN 2035-3006. PMC 3103236 . PMID 21625307.
