Nissan Teana

Nissan Teana marupakan mubil sedan mewah nang diulah ulih Nissan Motor Corporation matan tahun 2003 sampai wayahini. Teana marupakan panarus matan Cefiro, wan mamakai platform nang sama lawan produk Nissan lain nang kaya Altima wan Maxima

Ganarasi partama (2003-2007)

Nissan Teana (J31)

Mobil ni dipinanduakan di Jepang pas tahun 2003, wan masuk pasar export tahun 2004. Mesin nang dipakai ulih Teana adalah 2.0 liter QR20DE, 2.3 liter VQ23DE, wan 3.5 liter VQ35DE. Disambat Nissan Cefiro di Hong Kong, Singapore, wan negara lainnya dimana Cefiro ganarasi nang tadahulu marupakan mubil nang payu. Di Australia, Teana dijual mamakai ngaran Nissan Maxima, wan ini babeda lawan Maxima nang hagan dijual di Amerika.

Ganarasi kaduwa (2008-2013)

Nissan Teana (J32)

Diluncurakan mamakai ngaran Teana imbah ngara Cefiro kada lagi dipakai, kacuali hagan pasar Australia nang masih mamakai ngaran Maxima. Mesin nang tarsadia adalah 2.0 liter MR20DE, 2,5 liter VQ25DE, wan 3,5 liter VQ35DE. Barataan mamakai transmisi CVT.

Ganarasi katiga (2014-Sekarang)

Teana nang paling hanyar ni marupakan persi Asia matan Altima nang dijual di Amerika.

Lihati jua

• Nissan Motors
• Nissan Maxima
• Nissan Cefiro
• Nissan Laurel
• Nissan Altima

Pranala luar

• (Jepang) Website resmi Archived 2009-08-19 at the Wayback Machine