Natal

Tumatan Wikipidia basa Banjar, insiklupidia bibas
Loncat ke navigasi Loncat ke pencarian
Natal
Nativity tree.jpg
Kisah Natal manyambatakan karanakan Yesus di sabuah kandang di Betlehem.
Dirayaakan ulihSapalih ganal umat Kristen
JenisKristen
MaknaMarayaakan karanakan Yesus (Isa Almasih)
Parayaankabaktian garija, bakumpul lawan kulawarga, maunjuk hadiah
Tanggal25 Disimbir (sadunia)
6 Januari (Armenia)
7 Januari (Ortodoks Timur)
Tarait lawanAdven; Karanakan Yesus, Epifani

Natal (matan basa Portugis nang baarti "karanakan") adalah hari raya umat Kristen nang diparingati saban tahun ulih umat Kristiani wayah tanggal 25 Disimbir gasan mamparingati hari karanakan Yesus Kristus. Natal dirayaakan dalam kabaktian malam wayah tanggal 24 Disimbir; wan kabaktian baisukan tanggal 25 Disimbir. Sapalih garija Ortodoks marayakan Natal wayah tanggal 6 Januari (itihi jua Epifani).

Dalam taradisi barat, paringatan Natal manian aspek non-agamawi jua. Sapalih taradisi Natal nang baasal matan Barat antara lain adalah puhun Natal, kartu Natal, bahurup hadiah lawan kakawalan, wan angguta kulawarga wan kisah pasal Sintarklas.

Asal-usul kata[babak | babak asal mulanya]

Kata “natal” dibibit matan ungkapan basa Latin Dies Natalis (Hari Ranak). Dalam basa Inggris parayaan Natal disambat Christmas, matan istilah Inggris kuno Cristes Maesse (1038) atawa Cristes-messe (1131), nang baarti Misa Kristus. Christmas rancak jua ditulis Χ'mas, sabuting panyingkatan nang cucuk lawan taradisi Kristen, marga hurup X dalam basa Yunani marupakan singkatan matan Kristus atawa dalam basa Yunani Chi-Rho.

Dalam Alkitab basa Indunisia saurang kada tadapat kata "Natal", nang ada wastu karanakan Yesus.

Makna Lilin[babak | babak asal mulanya]

Lilin

Dalam wayah Natal, lilin manggambarakan atawa mambariakan gambaran pasal Kristus.[1] Kristus dilambangakan sabagai tarang gasan dunia nang kadap.[1] Di dalam Alkitab gin tatulis tantang tarang, di dalam Pajanjian Lawas, Yesaya 9:1 -6, “tarang nang ganal”, sadangakan di dalam Pajanjian Hanyar, Yohanes 1:1 -18, “tarang manusia”.[1]

Kada wastu di dalam paribadatan haja, di rumah-rumah wan di warung-warung rancak dihias lawan lampu-lampu nang kalap-kalip, hal ngini cungul matan jaman patristik sabagai gambaran lawan tarang nang mangalahakan kakadapan.[1] Pamakaian lilin wan lampu-lampu kalap-kalip adalah ujak matan aruh cahaya Yahudi atawa Hanukah.[1] Hari raya Hanukkah dirayakan kikira wayah Adven wan Natal, wan takananya rancak digulingsirakan lawan istilah Natal Yahudi.[1]

Ikunumi[babak | babak asal mulanya]

Natal rancaknya adalah parangsang ikunumi tahunan paraminya di bamamacam nagara di dunia. Panjualan barang-barang sasain babanyak di bamamacam tampat pancarakinan, wan wayah musim Natal urang-urang manukar bamamacam hadiah, hiasan, wan pasadiaan Natal. Industri nang bagantung lawan panjualan di musim Natal antara lain kartu Natal, puhun Natal, wan lain-lain.

Suwalih gawian ikunumi paraminya, Natal di bamamacam nagara Barat adalah hari pasunyinya gasan dunia bisnis; parak sabaratan warung pancarakinan, institusi bisnis, wan padagangan tutup, wan parak sabarataan industri tutup samantara. Studio-studio pilim maeilis bamamacam pilim babiaya tinggi wayah musim Natal gasan mahibur urang-urang nang rahatan parai.

Kagiatan sosial[babak | babak asal mulanya]

Salawas puasaan, jamaat gereja-gereja Koptik, nang kaya Gereja Koptik Sayidah el-Adzra’ (Santa Maria), di Madinat al-Tahrir, Imbaba, Kairo baisi kabiasaan hanya makan sakali sahari lawan manu makanan nangkaya tempe (matan kacang-kacangan), ngarannya tamiya atawa falafel nang dimakan lawan sahir ruti wan banyu putih. Karana ngitu, duit batutukar nang rancaknya buhannya tukarakan dagin wan manu lumayan mewah lainnya dikumpulakan wan dijulung langsung lawan urang-urang miskin nang dikoordinasi ulih Gereja.

Itihi jua[babak | babak asal mulanya]

Jujuhutan[babak | babak asal mulanya]

  1. ^ a b c d e f (Bahasa Indonesia)Rasid Rachman.2009. Hari Raya Liturgi. Jakarta: BPK-Gunung Mulia. Hal. 130-132.