Nangka Walanda

?Nangka Walanda Kulanda
Cikang rapun Kulanda duwa buah wan kambangnya
Klasifikasi ilmiah
Karajaan: Plantae (tidak termasuk) Magnoliids Ordo: Magnoliales Famili: Annonaceae Genus: Annona Spesies: A. muricata
Ngaran binomial
Annona muricata L.

buah Kulanda

Kulanda atawa Nangka Walanda (Annona muricata L.) adalah tumbuhan barguna nang tiba matan Karibia, Amirika Tengah wan Amirika Selatan. Panyambatan "walanda" wan macamnya manampai'akan bahua sirsak (basa Indunisia nang tumatan bahasa Walanda: zuurzak, ba'arti "kantung asam") didatangakan ulih Pamarintah kulunial Hindia-Belanda ka Nusantara, yato di abat ka-19, walau kada tiba matan Eropa.

Di bamacam-macam dairah Indunisia dikiau lawan nangka sebrang, nangka landa (Jawa), nangka walanda, sirsak (Sunda), nangka buris (Madura), srikaya jawa (Bali), deureuyan belanda (Aceh), durio ulondro (Nias), durian betawi (Minangkabau), wan jambu landa (di Lampung).

Tanaman ngini ditanam sacara kumarsial gasan diambil daging buahnya. Tumbuhan ngini kawa tumbuh di babarang tampat, liwar baik ditanam di banua nang sadang banyunya. Puhun kulanda ada haja tahaga sampai tinggi 9 mitir. Di Indunisia kulanda kawa tumbuh bagus di katinggian 1000 mitir datang parmukaan laut.

Buah kulanda kadanya pang buah sajati, nang ukurannya sadang ganalnya sahingga 20–30 cm lawan barat mandapati 2,5 kg. Nang dingarani "buah" sabujurnya adalah garumbung buah-buah (buah agregat) lawan bigi tunggal nang bahimpitan wan kahilangan halat antarbuah. Daging buah kulanda bakalir putih wan ba'isi bigi hirang. Buah ngini rancak dipakai gasan diulah jadi jus wan is krim.

Buah kulanda baisi banyak karbuhidrat, ta'utama pruktusa. Kandungan giji lainnya adalah pitamin C, pitamin B1 wan pitamin B2 nang mayu banyak. Biginya bawisa, wan kawa dipakai gasan wisa kumpai alami, nangkaya jua bigi sarikaya.