Musium Sadurengas

Musium Sadurengas ngintu musium nang baandak di jalan Keraton Paser Belengkong, Kacamatan Paser Belengkong, Kabupatin Paser, Prupinsi Kalimantan Timur. Musium ngini maandaki bangunan bakas rumah salah sabuting Sultan Paser, yaitu Aji Tenggara pada tahun 1844-1873 lawan tanah sakitar 1 ha. Pada awal abad 19, bangunan ngini jua manjadi Istana Kesultanan ulih Sultan Ibrahim Khaliludin. Bangunannya babantuk rumah panggung nang dalam bahasa Paser disambat "Kuta Imam Duyu Kina Lenja" nang baarti rumah kadiaman pamimpin nang batingkat.

Dalam kumpliks ngini kawa ditamui kubur para raja matan Karajaan Sadurengas lawan di sakitar pakuburan tadapat sabuah batu nang disambat "Batu Kilan" nang diparcaya masyarakat sakitar gasan mangetahui nasibnya.

Masium ngini baisi kuliksi bamacam-macam banda bahari bukti paninggalan sajarah Kasultanan Paser, nang kaya tampayan/guci bahari paninggalan Dinasti Yuan abad ka 12-13 M, alat rumah tangga, alat-alat kesenian, lawan pakaian Kasultanan Paser.