Mindanao
Mindanao atawa Maluku Ganal yéto pulau taganal kadua di Pilipina wan salah sauting matan tiga kalumpuk pulau tatambaian bahaup lawan Luzon wan Visayas. Mindanao, baandak di bahagian salatan Pilipina, yéto kawasan diaman basajarah gasan mayuritas kaum Muslim atawa suku Moro sarta étnis lainnya nang kaya Marano wan Tausug. Paparangan gasan mangair kamardikaan imbah ditampuh ulih babagai faksi Muslim salawas lima abad malawan para panguasa. Pasukan Spanyol, Amirika, Japang wan Pilipina balum kawa malawan tikad buhannya nang handak mamisahkan diri lawan Pilipina nang mayuritas urangnya baagama Katulik. Wahini mayuritas pupulasi Mindanao baagama Katulik karana pola kaampunan tanah nang kada adil wan banyaknya pandatang ka wilayah ngini. Hal ngini mamicu kasarikan kaum Muslim Mindanao nang miskin wan kada dihirani lawan jua garakan saparatis nang sudah bajuang salama ratusan tahun.
Tautan luar
[babak | babak asal-mulanya]- (Bahasa Inggris) Mindanews.com Archived 2011-06-01 at the Wayback Machine
- (Bahasa Inggris) Amir Butler: Perjuangan Moro gasan Meraih Kemerdekaan Archived 2007-10-24 at the Wayback Machine