Masigit Pusaka Banua Lawas
.jpg)
Masigit Pusaka Banua Lawas adalah salah asa masigit nang panuhanya di Paropinsi Kalimantan Salatan, Indunisia nang andakannya di kampung Banua Lawas, kacamatan Banua Lawas, Kabupatin Tabalong.[1] Masigit ngini gin rancak disambat Masigit Pasar Arba marga pada hari arba, nang bailang/bajiarah ka sini labih banyak daripada hari nang lain.[2]
Masigit ngini dibangun tahun 1625 masihi nang digagas ulih Khatib Dayan wan dangsanaknya Sultan Abdurrahman (matan Kasultanan Banjar nang bapusat di Kuin). Khatib Dayan digani'i tukuh-tukuh masyarakat Dayak, jua Datu Ranggana, Datu Kartamina, Datu Saripanji, Langlang Buana, Taruntung Manau, Timba Sagara, Layar Sampit, Pambalah Batung dan Garuntung Waluh.[2]
Di hambin muka masigit, ada dua tajau (wadah tampungan banyu nang bahari diguna'akan urang Dayak hagan mamandiakan anak nang hanyar lahir). Walau disangat matahari, tagal dua tajau nang usianya mancapai 400 tahun nintu kada ba-ubah warnanya.[2]
Para pajiarah ka sana kada lupa mambawa bulik banyu dalam tajau nintu marga diyakini warga baisi barakat hagan diguna'akan mambasuh muha atawa dikinum. Kabanyakan buhannya datang ka masigit pada hari arba marga pasnya hari pasar di Banua Lawas. Buhannya manyawatakan diri jiarah, salain hagan baibadah antara lain sumbahyang sunat tahiyatul Masigit wan mambaca surah Ya Sin, jua ada nang mangaku mambayar nazar, marga harapannya takabul.[2]
Di higa masigit tahaga alkah warga tumatan bahari wan salah asa nang lain pada nang lain adalah bangunan (kubah) nang marupakan makam pajuang Banjar bangaran Penghulu Rasyid.[2]
Bangunan
[babak | babak asal-mulanya]Masigit ngini sacara aristektural melihatakan masigit tuha. Kelihatan di struktur atapnya tumpang beluncup lancip nangkaya piramida wan berkonstruksi panggung. Puncak atap dihiasi lawan hiasan kemuncak atawa pataka (mustaka). Asalnya masigit ngini berkonstruksi panggung, badiri di atas tungkat-tungkat kayu ulin nang makin kuat mun terandam banyu. Bangunan utamanya, ada tangga putar nang diulah sederhana matan bahan kayu balau lawan trap tangga 12 buting wan memutari salah sebuting tihang utama hinggan atas.[3]
Ruang utama ada 4 buting tihang utama (soko guru) jadi penyangga atap utama wan bangunan induk masigit. 12 tihang penyangga (sokorawa) atap kedua, wan 12 tihang pengikat dinding-dinding masigit nang diulah matan kayu ulin atawa wasi (Eusideroxylon Zwager). Ruang induk masigit ngini sedikit aja bisi unsur-unsur hiasan (ornamen).[3]
Jujuhutan
[babak | babak asal-mulanya]- ↑ Jejakbanua, Admin (2022-02-19). "Masjid Banua Lawas, Simpan Sejumlah Benda Pusaka". jejakbanua.com (dalam bahasa Indonesia). Diarsipkan dari versi asli tanggal 2022-05-21. Diakses tanggal 2025-03-28.
- 1 2 3 4 5 Masjid Pusaka Tabalong Jadi Bukti Sejarah. Kaltim Post. 21 Februari 2009. Dibuka pada 12 Juli 2012
- 1 2 "Masjid Pusaka Banua Lawas, Kelua - Jaringan Santri" (dalam bahasa Indonesia). 2020-10-28. Diakses tanggal 2025-03-28.