Mamang Papadah

Mamang Papadah adalah sabuting bantuk paribasa Banjar nang barupa kata-kata dalam basa Banjar nang disusun dalam bantuk baris-baris puisi nang dipakai jadi wadah gasan mambariakan pamahaman, maanjurakan, manangati, maajarakan sabuting japaian hidup, mambari patuah, wan manyuruh ka sabuting kabaikan.

Cuntuh Mamang Papadah:

1. Adat urang main, ada kalah ada manang
2. Akal diakali, pikir dipikirakan
3. Allahhu wahadah, Inya mambari kada bawadah, Inya maambil kada bapadah
4. Badiri sadang baduduk sadang
5. Baik sakit di mata pada sakit di hati
6. Baik manyasal di hulu riam, pada manyasal sudah ka hilir riam.
7. Halus-halus iwak, ganal-ganal biawak
8. Kada diam parang kada diam pisau
9. Kambang kada sakaki, kumbang kada saikung, alam kada batawing
10. Lain danau lain iwaknya
11. Raja lawan putri, pantul lawan amban
12. Tabarusuk batis kawa dicabut, tabarusuk basa jadi hual.