Lamang
Lamang adalah salah asa ngaran makanan. Asalnya, baras lakatan nang dibuati santan. Sakira kada barikit di tangan, dibungkus pakai daun pisang, imbah ngitu dibanam dalam buluh paring. Lamang nyaman dimakan wayah masih panas. Urang Banjar katuju makan lakatan lawan hintalu, tagal suku-suku lain macam-macam jua cara mamakannya. Ada nang katuju makan lamang lawan makanan lain nang manis-manis (salai, hinti, sarikaya), ada jua nang katuju makan lawan nang masin-masin (randang, hintalu, wan lain-lain). Ada jua nang katuju makan lamang lawan buah durian.[1]
Lamang diulah wayah ada perayaan suku adat Dayak. Gasan suku Melayu, lamang biasa dimakan wayah hari raya Idulfitri atau Iduladha.
Urang Lampung di sebelah pesisir manjadiakan lamang gasan makanan Lebaran wan wadai adat. Urang Minangkabau jua katuju lawan lamang, sampai kotaTebing Tinggi kaburiat wan julukan "Kota Lemang". amang jua adalah makanan urang asli Negrito yang ada di Kelantan.wan suku Semai. wan jua suku Karo adalah makan khas dairah jua
Lemang jua merupakan makanan khas legendaris urang Samarinda yang diulah wan dijual urang Banjar di Jalan Pulau Sebatik, Samarinda
Cara meolah lamang kandangan:
1. Masak santan, uyah, wan daun pandan sampai mendidih. masuk akan baras lakatan, aduk, cagar rasap santannya tadi
2. andak baras lakatan di atas daun pisang. Gulung, sampai ujungnya. cucuk pakai lidi.
3. masuk akan gulungan lakatan tadi kedalam paring, bakar wan kayu bakar, bolak-balik sampai masak. Ungkai dari paring, potong-potong 2 cm, makan lamang tadi lawan tapai lakatan atawa kuah kacang.[2]
Jujuhutan
[babak | babak asal-mulanya]- ^ Naruto, Suroto (2023-03-18). "Makanan khas Kalimantan Selatan". GPREADERS. Diakses tanggal 2024-06-09.
- ^ "Lamang Banjarmasin » Budaya Indonesia". budaya-indonesia.org. Diakses tanggal 2024-06-09.
