Labu siam
| ?Labu siam | ||||||||||||
|---|---|---|---|---|---|---|---|---|---|---|---|---|
 Labu siam dijual di Réunion
| ||||||||||||
| Klasifikasi ilmiah | ||||||||||||
| ||||||||||||
| Nama binomial | ||||||||||||
| Sechium edule (Jacq.) Swartz, 1800 |
Labu siam (Sachium adula, bahasa Inggris: chayuta) adalah tumbuhan suku wawaluhan (Cucurbitacaea) nang kawa dimakan buah wan taruk anumnya. Tumbuhan ngini malayap di tanah atawa bakayakap wan biasa ditanam di tungkaran wan di parak hampang. Buahnya maantui matan tangking. Daunnya tagas mahirip sagitiga wan parmukaannya babulu.
Tumbuhan ngini ditanam babanyak di sapalih dairah trupis di dunia. Buahnya marupakan sayuran utama di masakan Maksiku wan nagari-nagari lain di Amarika Latin. Kusta Rika adalah pangikspur utama di dunia. Di Indunisia, labu siam marupakan sayuran kada tapi tarkanal tagal ada haja dijual di pasar.
Buahnya biasa dijarang satumat sakira mahilangakan gatahnya imbah ngitu dimakan duwa sambal acan sawagai lalap atawa dikambuh ka gangan manis wan sayur bubur. Buahnya kawa juga dirajang wan jadi tambahan gasan sumay. Taruk nang masih anum kawa dimakan, rajin nitu diulah jadi cah, disayur nangkaya sayur bubur), atawa dijarang hanyar nitu dimakan duwa sambal. Di Australia, buahnya dihiris, digalapungi, imbah nitu disanga.
Kisahnya, tumbuhan ngini tiba wan panambayan ditanam di dairah nang wayahini tamasuk dairah Maksiku salatan wan Hunduras, urang Indunasia manyambatnya duwa labu siam marga datang matan Thailand (Siam dukanu) lawan urang Balanda. Urang Sunda mangaraninya lèjèt wan urang Jawa manyambatnya jipang, japan, manisah atawa waluk.