Kukulai

Tumatan Wikipidia Banjar, kindai pangatahuan
Kukulai matan Eropa.

Kukulai atawa buak/katutupi/tataguk adalah galambang burung nang marupakan angguta ordo Strigiformes. Burung ini tamasuk gulungan burung buas (karnivora, pamakan daging) dan marupakan satua malam (nokturnal). Saluruhnya, tahaba sakitar 222 spesies nang sudah dikatahui, nang manyabak di samua dunia kacuali Antartika, sapalih ganal Greenland, dan babarapa pulau-pulau tapinjung.

Di dunia barat, satua ini dianggap simbul kabijaksanaan, tagal di babarapa wadah di Indonésia dianggap pambawa pratanda maut, maka ngarannya Burung Hantu. Walau damintu kada di sabarataan wadah di Nusantara burung ini disambat sabagai burung hantu. Di Jawa misalnya, ngaran burung ini adalah darès atawa manuk darès nang kadada konotasinya lawan maut atawa hantu. Di Sulawesi Utara, kukulai dipatuh lawan ngaran Manguni.

Kukulai dipatuh marga matanya ganal dan mahadap ka muha, kada kaya' umumnya janis burung lain nang matanya mahadap ka higa. Baimbai paruh nang lingkuk landap nangkaya paruh elang dan susunan bulu di kapala nang mambantuk lingkaran muha, tampilan "muha" kukulai ini damikian mangasankan dan bahanu manyaramkan. Apalagi gulu burung ini damikian unyut sahingga muhanya kawa baputar 180 derajat ka balakang.