Khatib Dayan
| Riwayat | |
|---|---|
| Alkah | Alkah Sultan Suriansyah |
| Gawian | |
| Gawian |
Ulama (id)  |
 | |
Khatib Dayan, nang bangaran asli Maulana Asy-Syarif Hidayatullah ialah ulama matan Kasultanan Demak nang dipinandui jadi ulama nang maislamakan raja Banjar panambaian, Pangeran Samudera nang galarnya Sultan Suriansyah. Khatib Dayyan diutus ulih Sultan Demak nang mangirim bantuan saribu tantara gasan mangganii Pangeran Samudra wan salajur batugas sabagai panyabar Islam di kalangan urang Banjar.[1]
Riwayat
[babak | babak asal-mulanya]Inya datang ka karajaan Banjar pada tahun 1521 hagan maislamkan Raden Samudera (Sultan Suriansyah) basarta sajumlah karabat karajaan, bardasarkan parjanjian samasa tarjadi partantangan antara Karajaan Nagara Daha lawan Karajaan Banjar. Paislaman ngini kada wara tabatas wilayah karajaan Banjar haja (kaya dairah aliran Sungai Nagara nang maliputi Sungai Tabalong, Sungai Batang Balangan, Sungai Batang Alai, Sungai Labuan Amas, Sungai Amandit dan Sungai Tapin), tagal juwa sampai ka pasisir salatan pulau Kalimantan, pasisir timur mulai Sambas di barat sampai Bulungan di Utara, Babarapa utusan Demak nang sabagian karabat Walisongo hudah mandarat di Kotawaringin wan Paser. [2]
Prupil wan Silsilah
[babak | babak asal-mulanya]Khatib Dayan marupakan minantu Sunan Gunung Jati, pandiri karaton Ciribun. Sunan Gunung Jati nang bangaran asli Syarif Hidayatullah. Sunan Gunung Jati ngini salah saikung Walisongo nang batugas di Ciribun wan katurunan dari Muhammad. Inya marupakan tukuh nang bajasa mambari warna tabantuknya masyarakat Islam di Karajaan Banjar. Kelihatan matan arsitiktur Masjid Jami Martapura (wahini Masjid Agung Al-Karomah Martapura) nang maadupsi gaya arsitiktur Masjid Demak. Alkahnya bahigaan alkah lawan Sultan Suriansyah di Kuin Utara Banjarmasin.[3]
Bahan acuan
[babak | babak asal-mulanya]- ↑ "Khatib Dayan, Sang Guru Spiritualnya Sultan Suriansyah". Berita Banjarmasin. Diakses tanggal 2023-11-20.
- ↑ Mediany, Shinta; Haryanto, Yosafat Donni; Fadlan, Ahmad (2025-05-29). "Tinjauan Klimatologis Kejadian Banjir Bandang di Kabupaten Lahat, Sumatera Selatan Tanggal 5 Juli 2023". Jurnal Fisika Unand. 14 (3): 279–290. doi:10.25077/jfu.14.3.279-290.2025. ISSN 2686-2433.
- ↑ anugerah, lutfi (2020-07-21). "Manajemen Guru Pendamping Khusus Dalam Proses Pembelajaran Sekolah Inklusi di SD Negeri Telawang 1 Banjarmasin". doi.org. Diakses tanggal 2025-09-28.