Kambang bangkai ganal

?Kibut / Bunga Bangkai Raksasa
	;
Satatus palastarian
	; Tarancam (IUCN 3.1)
Klasifikasi ilmiah
Karajaan:	Plantae;
Divisi:	Magnoliophyta;
Kelas:	Liliopsida;
Ordo:	Alismatales;
Famili:	Araceae;
Genus:	Amorphophallus;
Spesies:	A. titanum;
Ngaran binomial
	Amorphophallus titanum; (Becc.) Becc. ex Arcang

Kambang bangkai ganal marupakan macam janis kambang endemik matan Indunisia, Bengkulu ngaran daerahnya. Kambang Bangkai Ganal ngini baisi ngaran latin Amorphophallus titanium. Kambang ngini tamasuk ka dalam tanaman majemuk paningginya di dunia. Tinggi tanaman ngini bisa mancapai 3-6 mitir.^[2] Kambang Bangkai bisa jua disambat Kibut maraga mangaluarkan bau nangkaya bangkai buruk. Tujuannya gasan mangundang sarangga nangkaya kumbang lawan lalat gasan mengganii panyarbukan kambangnya.

Kambang Bangkai Ganal marupakan janis kambang nang dilindungi, sabagaimana diatur dalam Undang-Undang No. 5/1990 Tantang Konservasi Sumber Daya Alam Hayati dan Ekosistem (KSDAE) jo. PP no. 7/1999 tentang Pengawetan Tumbuhan dan Satwa Liar. Kambang Bangkai marupakan tanaman khas dataran randah nang tumbuh di daerah baikli trupis lawan subtrupis.

Kambang ngini baisi sakitaran 170 spesies di dunia. Persamaiannya yang sabagian ganalnya sakitar 25 biji ada di Indunisia. Persebarannya matan Sumatera, Jawa, Kalimantan, dan Sulawesi ^[3]

Parawakan

Tanaman ngini bisi dua tahap dalam kahidupannya nang mancungul bagantian, fase vegetatif lawan fase generatif. Pas fase vegetatif mancungul daun lawan batang khayalnya. Tingginya bisa sampai 6 mitir. Imbah beberapa waktu (tahun), organ vegetatif ngini layu lawan bungkahnya guring (dorman). Apabila cadangan makanan di bungkah mancukupi lawan lingkungan mandukung, kambang majemuknya mancungul. Apabila cadangan makanan kurang kambangnya babulik jadi daun.

Di kawasan SPHT Taman Nasional Kayan Mentarang, jenis kibut ngini kawa tumbuh kikira 1,5 meter lawan libarnya kikira 50–70 cm. Rancak talihat di sakitar pinggir sungai dan daerah dataran lambap. Kambang ngini mangambang kikira bulan November dan talihat pada tanggal 23 Nopember 2013 (Misoniman/POLHUT TN Kayan Mentarang). Pas fase vegetatif, kibut mancungul daunnya lawan batang sampai 2,5 mitir lawan diamitir kikira 25 cm.

^ Yuzammi & Hadiah, J.T. (2018). "Amorphophallus titanum". IUCN Red List of Threatened Species. 2018: e.T118042834A118043213. doi:10.2305/IUCN.UK.2018-2.RLTS.T118042834A118043213.en.
^ "4 Jenis Bunga Bangkai Unik yang Bisa Ditemukan di Indonesia". merdeka.com (dalam bahasa Inggris). 2023-01-24. Diakses tanggal 2023-03-12.
^ Media, Kompas Cyber (2022-08-19). "Mengenal Bunga Bangkai, Habitat Penyebaran hingga Ciri Bentuknya Halaman all". KOMPAS.com (dalam bahasa Indonesia). Diakses tanggal 2023-03-12.

[iucn-1] Yuzammi & Hadiah, J.T. (2018). "Amorphophallus titanum". IUCN Red List of Threatened Species. 2018: e.T118042834A118043213. doi:10.2305/IUCN.UK.2018-2.RLTS.T118042834A118043213.en.

[2] "4 Jenis Bunga Bangkai Unik yang Bisa Ditemukan di Indonesia". merdeka.com (dalam bahasa Inggris). 2023-01-24. Diakses tanggal 2023-03-12.

[3] Media, Kompas Cyber (2022-08-19). "Mengenal Bunga Bangkai, Habitat Penyebaran hingga Ciri Bentuknya Halaman all". KOMPAS.com (dalam bahasa Indonesia). Diakses tanggal 2023-03-12.

[1]

[2]

[3]