Kabun binatang
Kabun binatang atawa taman margasatwa adalah tampat binatang diharagu dalam lingkungan ulahan, wan ditampaiakan gasan urang awam. Suwalih jadi tampat hiburan, kabun binatang baguna jadi tampat pandidikan, paitihan, wan tampat palastarian gasan satwa taancam punah. Binatang nang diharagu di kabun binatang sapalih ganal adalah binatang nang hidup di darat, sadangakan satwa banyu diharagu di akuarium.
Kabun binatang nang mangawaakan pailang masuk lawan mubil atawa bis disambat taman sapari. Binatang dilapas di kawasan ligar wan tabuka, wan kada dikurung di kandang-kandang himpit, malainakan diwatasi lawan pagar atawa sungai. Kabun binatang rancak dilangkapi lawan kabun binatang kakanakan gasan maampaiakan binatang tarnak atawa janis satwa liar nang balum tuha wan mimak gasan dijapai-japai atawa dibari makan, tamasuk ulih kakanakan. Ada jua taman bamain nang batimaakan binatang, misalnya SeaWorld wan Disney's Animal Kingdom.
Kabun Binatang London adalah kabun binatang ilmiah nang panuhanya,[1] dibuka 27 April 1828[2] gasan angguta Pahimpunan Zoologi London (Zoological Society of London) nang didiriakan Stamford Raffles wayah 1826. Sawayah didiriakan, kabun binatang ngini bangaran Taman wan Menagerie Pahimpunan Zoologi London (Gardens and Menagerie of the Zoological Society of London),[3] wan mulai dibuka gasan urang awam nang mambayar tikit masuk matan tahun 1847.[1]
Kabun binatang panuhanya di Indunisia adalah Taman Margasatwa Ragunan Jakarta nang didiriakan tahun 1864 di Cikini sawagai Planten- en Dierentuin Batavia (Kabun Raya wan Botani Batavia). Pangalulanya bangaran Pahimpunan Panyayang Flora wan Fauna Batavia.[4]
Jujuhutan[babak | babak asal-mulanya]
- ^ a b "ZSL's history" Archived 2008-02-28 at the Wayback Machine, Zoological Society of London.
- ^ "April 27". Today in Science History. Diakses tanggal 2008-03-05. Hapus pranala luar di parameter
|publisher=(bantuan) - ^ Blunt 1976; Reichenbach 2002, pp. 151–163.
- ^ "Sejarah". Taman Margasatwa Ragunan. Diarsipkan dari versi asli tanggal 2021-06-26. Diakses tanggal 2009-11-30.[pranala nonaktif permanen]