Capil ka isi

Jambatan Mahakam

Tumatan Wikipidia Banjar, kindai pangatahuan
Jambatan Mahakam

Jambatan Mahakam adalah sabuting jambatan nang malintasi Sungay Mahakam di Kuta Samarinda, paropinsi Kalimantan Timur. Jambatan ini baisi panjang sakira 150 mitir. Jambatan ini dirasmiakan pada tahun 1987 ulih Parésidén Indonésia Soeharto. Jambatan ini mahubungakan antara kacamatan Samarinda Subarang wan Sungai Kunjang.

Pambangunan[babak | babak asal-mulanya]

Jambatan Mahakam pambangunannya dimulai rahatan:[1]

  • 13 April 1982. Hubnur Kalimantan Timur Ery Supardjan duwa Mantri Pekerjaan Umum Purnomosidi maumpati tim survei wadah andakan jambatan Mahakam.
  • 6 Oktober 1983, Hubnur Kalimantan Timur Soewandi duwa Katua Bappeda Kalimantan Timur Anwar Hanani manggawi batajak tihang panambayan Jambatan Mahakan nang mahuluakan pambangunan jambatan ganal nang malalui sungai Mahakam.
  • 4 Oktober 1985, Kapala Dinas PU Kalimantan Timur Soentoro baduwa Pamimpin Pruyik Tatang Hendarman lawan Kapala bidang Bina Marga Abu Bakar Chered manggawiakan pamasangan baut pandudian nang pacangan handak tuntung pambangunan Jambatan Mahakam.
  • 2 Agustus 1986, Presiden Soeharto marasmiakan jambatan Mahakam lawan Hubnur kalimantan Timur Soewandi duwa Mantri Pekerjaaan Umum Suyono Sosrodarsono.

Bantukan[babak | babak asal-mulanya]

Jambatan Mahakam baciri rangka baja bantukan sagitalu wan batulisan "JEMBATAN MAHAKAM" nang bantukannya satangah bulat. Jambatan dibangun nang biaya konstruksi Rp 7,2 miliar (US$ = Rp 1.640 pas 1986) ulih kontraktor PT Hutama Karya (Persero) nang panjangnya 400 m, labar 10 m wan tinggi kikira 5 m matan atasnya aspal. Jambatan ngini baisi lajur gasan bajalan batis di higanya.

Konstruksi jambatan adalah rangka baja nang sistem Rangka baja Hollandia Kloos desain asalnya matan Walanda mamakai pruduksi baja dalam nagari, barupa barisan sagitalu sama batis di kiwa duwa kanan taruwungan jambatan.

Jujuhutan[babak | babak asal-mulanya]

  1. ^ Sejarah Pembangunan Jembatan Mahakam di Kalimantan Timur (dalam bahasa Inggris), diakses tanggal 2023-06-16