Hari Pandidikan Nasiunal

Hari Pandidikan Nasiunal, disingkat HARDIKNAS, adalah hari nasiunal nang lain hari parai nang ditatapakan ulih pamarintah Indunisia gasan mamparingati karanakan Ki Hadjar Dewantara, tukuh palupur pandidikan di Indunisia wan pandiri lambaga pandidikan Taman Siswa, diparingati wayah tanggal 2 Mai saban tahunnya.

Sajarah

Hari Pandidikan Nasiunal diparingati saban tanggal 2 Mai, tasimbaya lawan hari ulang tahun Ki Hadjar Dewantara, pahlawan nasiunal nang dihurmati sawagai bapak pandidikan nasiunal di Indunisia. Ki Hadjar Dewantara ranak dari kulawarga kaya Indunisia salawas ira kulunialisma Walanda, inya dipinandui marga wani mahual kabijakan pandidikan pamarintah Hindia Walanda wayah masa ngitu, nang wastu mambulihakan kakanakan karanakan Walanda atawa urang sugih nang kawa mamakan bangku pandidikan. Hari nasiunal ngini ditatapakan malalui Keppres No. 316 Tahun 1959 tanggal 16 Disimbir 1959.

Karitiknya tahadap kabijakan pamarintah kulunial maulah inya diasingakan ka Walanda, wan inya imbah ngitu mandiriakan sabuah lambaga pandidikan bangaran Taman Siswa imbah bulik ka Indunisia. Ki Hadjar Dewantara diangkat jadi mantari pandidikan imbah kamardikaan Indunisia. Pilusupinya, tut wuri handayani ("di balakang mambari tunjulan"), dipakai gasan sambuyan dalam dunia pandidikan Indunisa. Inya habis umur wayah tanggal 26 April 1959. Gasan mahurmati jasa-jasanya tahadap dunia pandidikan Indunisia, pamarintah Indunisia manatapakan tanggal karanakannya jadi Hari Pandidikan Nasiunal.

Parayaan

Walau lain hari parai nasiunal, Hari Pandidikan Nasiunal dirayaakan sacara ligar di Indunisia. Parayaannya rancaknya ditandai lawan panggawian upacara bandira di sakulah-sakulah wan paguruan tinggi, matan tingkat kacamatan sampai pusat, diumpati lawan panyampaian pidatu batima pandidikan ulih pajabat takait.