Hamiedan AC
Hamiedan AC adalah saurang saniman wan pangarang lagu asal Kalimantan Selatan. Sidin diranakkan wayah tanggal 26 Siptimbir 1940 di Kandangan, Hulu Sungai Selatan, Kalimantan Selatan.[1] Sidin suah marantau wan bagawi di Jakarta pada sabuah parusahaan rakaman. Habis itu, sidin bulik kampung lalu meulah kamar rekaman saurang lawan ngaran Hamico Record. Studio ngitu rancak dijadikan wadah sagan ajang kreativitas pamusik Banua.[2]
Hamiedan kawa lihai mamainkan parak sabarataan alat musik. Sidin ahli jua sabagai operator studio wan manyunting musik. Sidin biasa dibantui lawan dangsanak-dangsanak sidin dalam manjalankan kamar rekamannya, yaitu ulih Hamli Kandangan sabagai bassis, Hadi sabagai pianis, Mila Tamberun sabagai panyanyi, wan jua panyanyi lain nangkaya Martha Rombe. Sidin jua suah manuntun parukunan paduan suara Ramux’s Vokal Group nang rancak umpat lomba atawa festival sakitar. Salah sabuting lagu ulahan Hamiedan nang tarkanal adalah lagu Ampar-ampar Pisang.[1]
Jujuhutan
[babak | babak asal-mulanya]- ^ a b Agency, ANTARA News. "Pemda siap bantu riset tokoh seniman dari Kandangan, Hamiedan AC". ANTARA News Kalimantan Selatan. Diakses tanggal 2024-05-19.
- ^ "Hamiedan AC dan Sejarah Studio Rekaman di Kandangan". Diakses tanggal 2024-05-19.