Guring

Tumatan Wikipidia basa Banjar, insiklupidia bibas
Loncat ke navigasi Loncat ke pencarian
Kakanakan rahatan guring hétang.

Guring[1][2][3] atawa Tinduk (BH)[3][4] adalah kaadaan istirahat alami di bamacam binatang manyusui, burung, iwak, dan binatang kada batulang balakang kaya beranga buting Drosophila. Di manusia dan barandak spesies lainnya, guring adalah panting hagan kasihatan. Tanda-tanda kahidupan kaya kasadaran, puls, dan frekuensi pahinakan manamuni pa'ubahan. Dalam guring normal biasanya fungsi saraf motorik gin saraf sensorik hagan kagiatan nang mamarluakan koordinasi lawan sistem saraf pusat pacang diblokade, sahingga di wayah guring bacundai hagan kada baungal dan daya tanggap gin bakurang. Fase paralihan matan sadar ka guring disambat sabagai pradormitium dan fase paralihan matan guring babulik ka sadar disambat sabagai postdormitium. Di dalam ilmu kadokteran ilmu nang mampalajari gangguan guring disambat sabagai somnologie.

Dalam bahasa Dayak Ngaju istilah guring disambat batiruh, dalam bahasa Mangkasar disambat tinro, dalam bahasa jawa disambat turu/sare/tilem. dan dalam bahasa Bikol Central disambat torog.

Istilah guring kamungkinan ada hubungannya lawan istilah gurin dalam bahasa Melayu Sarawak nang artinya barabah (berbaring).

Kakurangan guring[babak | babak asal mulanya]

Akibat kakurangan guring pada manusia.

Kakurangan guring biasanya disababakan maraga begadang atawa maraga insomnia. Sapalihan akibat nang timbul gara-gara kurang guring antara lain:

  • Halusinasi [5]
  • Lakas sarik [6]
  • Panurunan kognitif [7]
  • Lakas kada ingat[8]
  • Manguap tarus[6]
  • Gajala nang kaya ADHD (Attention Deficit Hyperactivity Disorder) [6]
  • Gangguan panilaian akhlak [9]
  • Bakurangnya kamampuan riaksi wan akurasi [10]
  • Manggatar (mariap dingin) [11]
  • Sakit atawa tasalahu otot [12]
  • Risiko Diabetes Tipe 2 [13]
  • Partumbuhan balambat [7] [14]
  • Risiko obesitas [15] [16]
  • Penurunan suhu tubuh [7]
  • Paningkatan tingkat variabilitas jantung [7]
  • Risiko panyakit jantung [17]
  • Gangguan sistem kakabalan awak [7]

Catatan batis[babak | babak asal mulanya]

  1. ^ Austronesian Basic Vocabulary Database - Language: Banjarese Malay
  2. ^ gurin dalam bahasa Malayu Sarawak artinya barabah (id:berbaring)
  3. ^ a b Abdul Jebar Hapip, Kamus Banjar Indunisia, Cetakan V - Banjarmasin, PT. Grafika Wangi Kalimantan, 2006
  4. ^ tidu`, bahasa Melayu Ketapang (Kayong)
  5. ^ National Institute of Neurological Disorders and Stroke -- Brain Basics: Understanding Sleep
  6. ^ a b c "http://www.betterhealth.vic.gov.au/bhcv2/bhcarticles.nsf/pages/Sleep_deprivation?OpenDocument".  Hapus pranala luar di parameter |title= (bantuan)
  7. ^ a b c d e eMedicine Specialties > Neurology > Sleep-Related Diseases > Normal Sleep, Sleep Physiology, and Sleep Deprivation Author: M Suzanne Stevens, MD. Updated: Oct 29, 2008
  8. ^ Teachers of Psychology in Secondary Schools
  9. ^ "The Effects of 53 Hours of Sleep Deprivation on Moral Judgment". Journal SLEEP. 30 (3). 
  10. ^ "http://oem.bmjjournals.com/cgi/content/abstract/57/10/649".  Hapus pranala luar di parameter |title= (bantuan) Occup Environ Med 2000;57:649-655 doi:10.1136/oem.57.10.649
  11. ^ Smith, Andrew P. Handbook of Human Performance. hlm. p.240. 
  12. ^ Morin, Charles M. Insomnia. hlm. p.28. 
  13. ^ "Daniel J. Gottlieb, et al. Association of Sleep Time With Diabetes Mellitus and Impaired Glucose Tolerance. Arch Intern Med. Vol. 165 No. 8 2005; 165: 863-867 PMID 15851636". 
  14. ^ Sleep deprivation effects on the activity of the hypothalamic-pituitary-adrenal and growth axes: potential clinical implications. Alexandros N. Vgontzas, George Mastorakos, Edward O. Bixler, Anthony Kales, Philip W. Gold & George P. Chrousos, published in Clinical Endocrinology, Volume 51 Issue 2 Page 205, August 1999
  15. ^ The association between short sleep duration and obesity in young adults: a 13-year prospective study., Sleep, Jun 15;27(4):661-6 2004
  16. ^ Inadequate sleep as a risk factor for obesity: analyses of the NHANES I, Oct 1;28(10):1289-96 2005
  17. ^ Sleep, Less and More, Linked to Heart Disease. By Jeanie Lerche Davis.