Gunung Merapi

Tumatan Wikipidia basa Banjar, insiklupidia bibas
Loncat ke navigasi Loncat ke pencarian
Gunung Merapi
Jawa:ꦒꦸꦤꦸꦁ​ꦩꦼꦫꦥꦶ

Gunung Merapi, diitihi matan higa jalan raya nang manghubungakan Umbulharjo lawan Kaliadem
Katinggian 2.968 m (9.738 ft)
Katinggian topografi 1.356 m (4.449 ft)
Puncak inti Puncak Anyar
Tarjamahan gunung berapi(Jawa Kuno)
Lokasi
Merapi terletak di Jawa
Merapi
Peta lokasi
Tampat (Jawa Tengah)
Kabupaten Sleman (Daerah Istimewa Yogyakarta)
Kuurdinat 7°32′49″S 110°26′40″E / 7.54694°LS 110.44444°BT / -7.54694; 110.44444Koordinat: 7°32′49″S 110°26′40″E / 7.54694°LS 110.44444°BT / -7.54694; 110.44444
Geologi
Macam Gunung berapi kerucut
Umur batuan 400.000 tahun
Samburan taakhir 27 Januari 2021
Pendakian
Jalan tanyaman New Selo

Merapi adalah gunung baapi di hagian tangah Pulaw Jawa wan marupakan salah sabuting gunung api taaktip di Indunisia. Lereng sisi selatan baandak dalam administrasi Kabupatin Sleman, Banua Istimiwa Yogyakarta, wan sisanya baandak dalam wilayah Paropinsi Jawa Tangah, yaitu Kabupatin Magelang di sisi barat, Kabupatin Boyolali di sisi utara wan timur, sarta Kabupatin Klaten di sisi tunggara. Kawasan hutan di sakitar puncaknya manjadi kawasan Taman Nasional Gunung Merapi.

Gunung ngini sangat babahaya karana manurut catatan modern maalami erupsi (puncak keaktifan) saban dua sampai lima tahun sakali wan dikulilingi ulih pamukiman nang sangat padat. Tumatan tahun 1548, gunung ngini sudah maladum sabanyak 68 kali. Kuta Yogyakarta adalah kuta basar taparak, bajarak sakira 27 km matan puncaknya, wan magun tadapat kampung-kampung di lerengnya sampai katinggian 1700 m wan wastu 4 km jauhnya tumatan puncak.

Itimulugi[babak | babak asal mulanya]

Ngaran "Merapi" baasal matan panyingkatan "meru" (= gunung) wan "api", sahingga ngaran "merapi" sabujurnya sudah baarti "gunung api". Dalam naskah lama, Merapi suah dipinandui sabagai Mandrageni.[1]

Giulugi[babak | babak asal mulanya]

Gunung ngini adalah gunung paling anum dalam rangkaian gunung berapi nang maarah ka salatan matan Gunung Ungaran, Gunung Merbabu, wan Gunung Merapi. Gunung ngini tarbantuk sabab aktipitas di zona subduksi Lempeng Indo-Australia nang bagarak ka bawah Lempeng Eurasia manyababakan cungulnya aktipitas vulkanik di sapanjang bagian tangah Pulau Jawa. Puncak nang wayahini kada ditumbuhi vegetasi sabab aktipitas vulkanik nang tinggi. Punck ngini tumbuh di sisi barat daya puncak Batulawang nang tatuha.[2]

Vegetasi[babak | babak asal mulanya]

Gunung Merapi di bagian puncak kada suah ditumbuhi vegatasi sabab aktipitas vulkanik nang tinggi. Janis tumbuhan di bagian paling atas baisi tipe alpina khas pagunungan Jawa, nang kaya Rhododendron wan edelweis jawa. Ka bawah sahikit tadapat hutan bambu wan tatumbuhan pagunungan tropika. Hutan hujan tropis pagunungan di lerang selatan Merapi marupakan andakan salah sabuting forma anggrek endemik Vanda tricolor 'Merapi' nang langka.[3].

Lereng Merapi sisi barat daya, khususnya di bawah 1.000 m, marupakan andakan asal dua kultivar salak unggul nasional, yaitu salak 'Pondoh' wan 'Nglumut'.

Rute pandakian[babak | babak asal mulanya]

Gunung Merapi marupakan ubjik pandakian nang disambat papulir sabab gunung ngini marpakan gunung mampasuna. Jalur pandakian nang paling umum wan parak adalah malalui subalah utara matan Sélo, Kabupaten Boyolali, Jawa Tengah, tapatnya di Desa Plalangan, Selo, Boyolali, Desa ngini baandak di antara Gunung Merapi wan Gunung Merbabu. Pandakian melalui Selo mamakan waktu sakitar 4-5 jam hingga ka puncak.

Jalur populer lain adalah maliwatai Kaliurang, Kecamatan Pakem, Kabupaten Sleman, Yogyakarta di subalah selatan. Jalur ngini labih terjal wan mamakan waktu sakitar 6-7 jam hingga ka puncak. Jalur alternatif nang lain adalah malalui sisi barat laut, dimulai matan Sawangan, Kabupaten Magelang, Jawa Tengah wan maliwati subalah tenggara, matan arah Deles, Kecamatan Kemalang, Kabupaten Klaten, Jawa Tengah.

Galeri[babak | babak asal mulanya]

Dukumentasi Tropenmuseum[babak | babak asal mulanya]

Foto-foto lain[babak | babak asal mulanya]


Referensi[babak | babak asal mulanya]

  1. ^ Agusta, Rendra (2019-08-07). "I SAKALA DIHYANG: RELASI PRASASTI AKHIR MAJAPAHIT DAN NASKAH-NASKAH MERAPI-MERBABU". Jumantara: Jurnal Manuskrip Nusantara (dalam bahasa Inggris). 9 (2): 49–68. doi:10.37014/jumantara.v9i2.243. ISSN 2685-7391. 
  2. ^ DESCRIPTION:Indonesia Volcanoes and Volcanics. Laman USGeological Survey.
  3. ^ Metusala D. Melirik Konservasi Anggrek Vanda tricolor di Merapi. Dirilis 20 Juli 2006. Diakses 9 Agustus 2015.