Gunung Birah

{{{nama}}}
Tinggi	{{{ketinggian}}}

Gunung Birah yaitu sabuah wadah wisata nang baandak di kampung Kandangan Lama, kacamatan Panyipatan, kabupatin Tanah Laut, Kalimantan Selatan. Wilayahnya baisi luas sakitar 1.589,02 hiktar wan pucuk paningginya yaitu kira-kira 275 mdpl. Gunung ngini baisi sajarah panjang wan baisi kaitan lawan kisah panduduk di situ sawaktu malawan panjajah nang mana gunung ngini jadi wadah kaluar masuknya urang sana.

Gunung nang baandak di Tanah Laut

Ampah manuju

Jarak Gunung Birah matan Lapangan tarabang Syamsudin Noor, Banjarbaru yaitu 88 km. Jalannya ngini kawa jua mamakai lawan kandaraan motor nang lawasnya 2 jam di jalan. Jalan ampah ka gunung wahini baaspal wan ada parkiran kandaraan nang sudah bakarcis masuk di muhara gunung. Amun sudah taliwati muhara lawang salamat datang, pangunjung kaina kawa naik traktor tangan salawas 10 manit lawan imbah nitu kawa bajalan batis tangah dua jam gasan tambus sampai ka pucuk.

Topografi

Gunung Birah ngini tagasnya lahan nang bamamacam, tikas matan lereng nang hiring banar sampai ada jua area jajaran mumungkuran nang baisi pola-pola bakas adanya takikisan banyu lawan angin atau kikisan lapisan tanah ulih gesekan banyak lawan angin.

Ekosistem

Banyak tadapat bamamacam tanaman lawan haiwan nang ada di area gunung Birah. Amun nang pina tabanyak adanya nitu ialah Sengon lawan Birik, kaduanya tumbuh pacangan subur amun ditanding lawan tanaman nang lain. Imbah nitu juga ditemukan kambang bangkai Amorphophallus titanum, Aren Arenga pinnata, Tamiang Schizotachyum blunei Ness, Bulan Nanduk Diosphycos marcophylura, Gamal Gliricidia sepium, Gungkuang Pachyrhizus erosus, Halaban Vitex pinnata, Jelutung Dyera costulata, Jaring Archidendron pauciflorum, Ketapang Terminalia catappa, Kujajing Ficus fistulosa Reinw, Lua Ficus racemosa, Mampan bini Cratoxylon arborescen, Nangka Arthocarpus integra, Paikat Ampar Tikar Calamus finlaysonia lawan Singkuang Dracontomelon dao. Babarapa flora saparti Sengon ngitu tanaman nang singhaja ditanam uleh warga gasan menjaga tanah supaya kada longsor.

Fauna nang tadapat di gunung Birah ngitu satwa liar saparti Burung Binti Ciconia stormi, Burung Bubut Centropus sinensis, Burung Cuit Dicaeum throchiluem, Burung Elang Accipitridae, Burung Hantu Strigiformes, Burung Kutau-kutau Maeronus gularis, Burung Punai Treron vernans, Burung Walet Apodidae, Hirangan Trachypithecus, Rusa Carvidae, Tupai Tupaia javanica dan Warik Macaca sp.

Wisata

Gunung Birah matan lawas sudah rancak dimanfaatkan ulih pangunjung sabagai tampat bakimah atawa sakadar tampat malihat matahari tinggalam. Salain nang ngitu, gunung Birah juga rancak diulah sabagai wadah kagiatan kirab bendera pas rahatan paringatan hari Kemerdekaan Indonesia lawan Festival Bukit Birah. Gunung Birah nitu parnah manjadi lukasi dari kagiatan World Clean Day pada 2020 silam lawan manghasilkan 1,1 ton sampah nang barhasil dibarsihkan uleh pasarta kagiatan.