Gerakan Pramuka Indonesia
| Gerakan Pramuka Indonesia | |
|---|---|
 Lambang Gerakan Pramuka | |
| Pimpinan | Budi Waseso |
| Didirikan | 14 Agustus 1961 |
| Pembubaran | |
| Negara | Indonesia |
| Kantor | Gedung Kwartir Nasional Gerakan Pramuka Jalan Medan Merdeka Timur No. 6, Jakarta 10110 |
| Bumi perkemahan | Buperta Cibubur, Jakarta Timur |
| Website | www |
Gerakan Pramuka Indonesia adalah ngaran pahimpunan pandidikan kada rasmi (nonformal) nang maadaakan pandidikan kapanduan di Indunisia. Kata "Pramuka" marupakan singkatan matan Praja Muda Karana, nang baisi arti Jiwa Anum nang Katuju Bakarya. Tagal, sabalum singkatan ngini ditatapakan, kata Pramuka asalnya dijuhut ulih Sultan Hamengkubuwono IX matan kata "Poromuko" nang baarti pasukan pamukaan dalam parang.
Pramuka marupakan sambatan gasan angguta Gerakan Pramuka, nang maliputi; Pramuka Siaga (7–10 tahun), Pramuka Penggalang (11–15 tahun), Pramuka Penegak (16–20 tahun) wan Pramuka Pandega (21-25 tahun). Garumbung angguta nang lain, yaitu Pembina Pramuka, Andalan Pramuka, Korps Pelatih Pramuka, Pamong Saka Pramuka, Staf Kwartir dan Majelis Pembimbing.
Kapramukaan adalah runtutan pandidikan di luar lingkungan sakulah wan di luar lingkungan kulawarga dalam bantuk kagiatan manarik, mahimungi, sihat, taatur, taampah, wan nyama nang digawi di alam tabuka lawan Pandirian Dasar Kapramukaan wan Cara Kapramukaan, nang sasahan warihnya pambatukan watak, ahlak, wan budi pakarti luhur. Kapramukaan adalah sistim pandidikan kapanduan nang disasuaiakan lawan kaadaan, kapantingan, wan pakambangan masarakat, wan bangsa Indunisia.
Gerakan Pramuka dipimpin ulih Ketua Kwartir Nasional, nang damini dijabat Komisaris Jenderal Polisi (Purn.) Budi Waseso.