Gerakan Pramuka Indonesia
| Gerakan Pramuka Indonesia | |
|---|---|
 Lambang Gerakan Pramuka | |
| Pimpinan | Budi Waseso |
| Didirikan | 14 Agustus 1961 |
| Pembubaran | |
| Negara | Indonesia |
| Kantor | Gedung Kwartir Nasional Gerakan Pramuka Jalan Medan Merdeka Timur No. 6, Jakarta 10110 |
| Bumi perkemahan | Buperta Cibubur, Jakarta Timur |
| Website | www |
Gerakan Pramuka Indonesia yatu ngaran pahimpunan pandidikan kada rasmi (nonformal) nang maada akan pandidikan kapanduan di Indunisia. Kata "Pramuka" marupakan singkatan matan Praja Muda Karana, nang baisi arti Jiwa Anum nang Katuju Bakarya. Tagal, sabalum singkatan ngini ditatapakan, kata Pramuka panambayannya dijuhut ulih Sultan Hamengkubuwono IX matan kata "Poromuko" nang baarti pasukan pamukaan dalam parang.
Pramuka marupakan sambatan gasan angguta Gerakan Pramuka, nang maliputi; Pramuka Siaga (7–10 tahun), Pramuka Penggalang (11–15 tahun), Pramuka Penegak (16–20 tahun) wan Pramuka Pandega (21-25 tahun). Garumbung angguta nang lain, yaitu Pembina Pramuka, Andalan Pramuka, Korps Pelatih Pramuka, Pamong Saka Pramuka, Staf Kwartir dan Majelis Pembimbing.
Kapramukaan yatu runtutan pandidikan di luar lingkungan sakulah wan di luar lingkungan kulawarga babantuk kagiatan nang manarik, mahimungi, sihat, taatur, taampah, wan nyaman nang digawi di padang tabuka lawan Pandirian Dasar Kapramukaan wan Cara Kapramukaan, nang sasahan kulihannya pambatukan watak, ahlak, wan budi pakarti luhur. Kapramukaan yatu sistim pandidikan kapanduan nang disasuai akan lawan kaadaan, kapantingan, wan pakambangan masyarakat, wan bangsa Indunisia.
Gerakan Pramuka dipimpin ulih Ketua Kwartir Nasional, nang damini dijabat Komisaris Jenderal Polisi (Purn.) Budi Waseso.
Gerakan Pramuka atawa Kapanduan di Indunisia matan tahun 1923 nang ditandai wan badirinya (Balanda) Nationale Padvinderij Organisatie (NPO) di Bandung.
Tanggal 26 Uktubir 2020, Diwan Parwakilan Rakyat mangabsahkan Undang-Undang Numur 12 Tahun 2010 takait Garakan Pramuka.
Bardasarkan Undang-Undang ngini, Pramuka kada lagi sabuting-butingannya urganisasi nang bulih malaksanakan pandidikan kapramukaan, urganisasi profesi juwa dibulih akan gasan malaksanakan kagiatan kapramukaan.
Garakan Pramuka dipinandui
Pidatu Prisiden ditanggal 09 Maet 1961 juwa manggaris akan supaya paringatan Proklamasi Kamardikaan RI Garakan Pramuka sudah ada wan dipinandui ulih masyarakat. Oleh ngitu Keppres RI No 238 Tahun 1961 parlu ada pandukungnya yatu pangurus wan anggutanya.
manurut Anggran Dasar Garakan Pramuka, tatuha parkumpulan dipingkuti ulih Majelis Pimpinan Nasional (MAPINAS) nang di dalam tadapat Kwatir Nasiunal Garakan Pramuka wan Kwatir Nasiunal Harian.
Garakan Pramuka sah dipinandui samuwa rakyat Indunisia pada tanggal 14 Agustus 1961. Paristiwa dipinandui tanggal 14 Agustus ngintu dikamudian hari di sah akan sabagai HARI PRAMUKA nang saban tahun diparingati ulih samuwa tingkatan dan angguta Garakan Pramuka.
Kudi Kahurmatan
Kudi kahurmatan Garakan Pramuka tadiri ulih talu janji nang disambat "Trisatya" wan sapuluh mural nag disambat "Dasadarma". Sapasial gasan gulungan siaga kudi kahurmatan tadiri ulih duwa janji nag disambat "Dwi Satya" wan dua mural nang disambat " Dwi Darma"
Trisatya Pramuka
Dimi kahurmatanku, Aku bajanji akan bujur-bujur:
- Manjalan akan kawajibanku tahadap Tuhan Nang Maha Esa, Nagra Kasatuan Ripublik Indunisa, wan mangamalkan Pancasila
- Manulung sasama hidup, wan mamparispkan diri wan mambangun masyarakat.
- Manapati Dasadarma
- Dasa Darma
- Taqwa kapada Tuhan Nang Maha Esa
- Cinta Alam, wan kasih sayang sasama manusia
- Patriot nang Sopan, wan Kastria
- Patuh, wan katuju bamusyawarah
- Rila manulung, wan tabah
- Cangkal, Tarampil, wan himung
- Himat, cermat, wan barsahaja.
- Disiplin, wani, dan satia
- Batanggung jawab, wan dapat diparcaya
- Barasih dalam pamikiran, paujahan, wan parbuatan
Identitas
Lambang Garakan Pramuka yatu Tunas Nyiur
Hymne Pramuka yatu himne rasmi Garakan Pramuka. Lagu ngini diulah ulih H. Mutahar salah satu pajuang, paulah laggu, wan tukuh Pramuka.Hymne Pramuka manjadi lagu nang pasti dinyanyi akan satiap upacara-upacara nang digawi dalam Gerakan Pramuka.